GST Collection; ନଭେମ୍ବରରେ 1.31 ଲକ୍ଷ କୋଟି ହୋଇଛି ସଂଗ୍ରହ

ଦ୍ରବ୍ୟ ଓ ସେବା କର (GST) ସଂଗ୍ରହ ନଭେମ୍ବର ମାସରେ ଆଉ ଏକ ନୂଆ ରେକର୍ଡ ସ୍ଥାପନ କରିଛି । ଗତ ମାସରେ ମୋଟ 1.31 ଲକ୍ଷ କୋଟି ଟଙ୍କା ସଂଗ୍ରହ ହୋଇଛି । ଯାହା ଜୁଲାଇ 2017ରେ ଜିଏସଟି( Good Service Tax)ଲାଗୁ ହେବା ପରେ ଦ୍ବିତୀୟ ଥର ପାଇଁ ଏତେ ଟଙ୍କା ସଂଗ୍ରହ ହୋଇଛି । କେନ୍ଦ୍ର ଅର୍ଥ ମନ୍ତ୍ରଣାଳୟ (Ministry of Finance) ଏହି ସୂଚନା ଦେଇଛି ବୁଧବାର । ଅଧିକ ପଢନ୍ତୁ

ନୂଆଦିଲ୍ଲୀ:ଦ୍ରବ୍ୟ ଓ ସେବା କର (GST) ସଂଗ୍ରହ ନଭେମ୍ବର ମାସରେ ଆଉ ଏକ ନୂଆ ରେକର୍ଡ ସ୍ଥାପନ କରିଛି । ଗତ ମାସରେ ମୋଟ 1.31 ଲକ୍ଷ କୋଟି ଟଙ୍କା ସଂଗ୍ରହ ହୋଇଛି । ଯାହା ଜୁଲାଇ 2017ରେ ଜିଏସଟି( Good Service Tax)ଲାଗୁ ହେବା ପରେ ଦ୍ବିତୀୟ ଥର ପାଇଁ ଏତେ ଟଙ୍କା ସଂଗ୍ରହ ହୋଇଛି । କେନ୍ଦ୍ର ଅର୍ଥ ମନ୍ତ୍ରଣାଳୟ (Ministry of Finance)ଏହି ସୂଚନା ଦେଇଛି ବୁଧବାର ।

ମନ୍ତ୍ରଣାଳୟର ସୂଚନା ଅନୁସାରେ ନଭେମ୍ବର ମାସରେ ମୋଟ ଜିଏସଟି ରାଜସ୍ବ ଆଦାୟ 1.31.526 କୋଟି ସଂଗ୍ରହ ହୋଇଛି । ଯେଉଁଥିରେ ସିଜିଏସଟି (CGST)23 ହଜାର 978 କୋଟି, ଏସଜିଏସଟି (SGST) 31 ହଜାର 127 କୋଟି । ଆଇଜିଏସଟି (IGST)66 ହଜାର 815 କୋଟି । ଏହାବାଦ ମାଲ ପରିବହନରୁ 32 ହଜାର 165 କୋଟି ଓ ଉପ-କରରୁ 9 ହଜାର 606 କୋଟି ସଂଗ୍ରହ ହୋଇଛି । ସିଜିଏସଟି(CGST) ହେଉଛି କେନ୍ଦ୍ରୀୟ ମାଲ ଓ ସେବା କର । ଏସଜିଏସଟି (SGST) ହେଉଛି ରାଜ୍ୟ ମାଲ ସେବା କର । ଆଇଜିଏସଟି (IGST) ହେଉଛି ଏକିକୃତ ମାଲ ଓ ସେବା କର ।

ଗତ ମାସରେ ସଂଗ୍ରହ ହୋଇଥିବା ଜିଏସଟି (GST COLLECTIONS)2020 ନଭେମ୍ବର ତୁଳନାରେ 25 ପ୍ରତିଶତ ଅଧିକ ରହିଛି । ଅର୍ଥ ମନ୍ତ୍ରଣାଳୟର ସୂଚନା ଅନୁସାରେ ନଭେମ୍ବର 2021 ଜିଏସଟି ସଂଗ୍ରହ ଜିଏସଟି ଦେଶର ଲାଗୁ ହେବାର ଦ୍ବିତୀୟ ସର୍ବବୃହତ ସଂଗ୍ରହ । ସରକାରଙ୍କ ଆଶା ଜିଏସଟି ସଂଗ୍ରହ ଅଭିବୃଦ୍ଧି ହେବା ଅର୍ଥ ଦେଶର ଅର୍ଥନୀତି ଦୃତବେଗରେ ଆଗକୁ ବଢୁଛି । ଅକ୍ଟୋବର 2021 ରେ ଜିଏସଟି ସଂଗ୍ରହ 1 ଲକ୍ଷ 30 ହଜାର 127 କୋଟି ଥିବାବେଳେ, ଏପ୍ରିଲ 2021 ରେ 1.41 ଲକ୍ଷ କୋଟି ଥିଲା ।

@IANS