ନୂଆଦିଲ୍ଲୀ: କୋଭିଡ-19 ମହାମାରୀର ବ୍ୟାପକତା ଏବଂ କୋଭିଡ ଟିକା ଉତ୍ପାଦନ ବୃଦ୍ଧିର ଆବଶ୍ୟକତାକୁ ବିଚାର କରି ଅଧିକ ପ୍ରସ୍ତୁତ ହେଉଛନ୍ତି ସରକାର । ଟିକା ପରୀକ୍ଷଣ/ଟିକାଗୁଡ଼ିକ ପାଇଁ ଆଗୁଆ ପ୍ରମାଣପତ୍ର ଜାରି କରିବା ସୁବିଧା ପ୍ରଦାନ କରିବା ନିମନ୍ତେ ସରକାର ସକ୍ରିୟ ଭାବେ ଦୁଇଟି ଅତିରିକ୍ତ ପରୀକ୍ଷାଗାର ବିକଶିତ କରିବା ଲାଗି ନିଷ୍ପତ୍ତି ଗ୍ରହଣ କରିଛନ୍ତି। ଭାରତରେ ମାନବ ଉପଯୋଗ ଲାଗି ଉଦ୍ଦିଷ୍ଟ ଇମ୍ୟୁନୋବାୟୋଲୋଜିକାଲ(ଟିକା ଓ ଆଣ୍ଟିସେରା)ର ପରୀକ୍ଷା ଓ ଆଗୁଆ ପ୍ରମାଣପତ୍ର ଜାରି କରିବା ନିମନ୍ତେ ଏହା ଜାତୀୟ କେନ୍ଦ୍ରୀୟ ପରୀକ୍ଷାଗାର ଭାବେ କାର୍ଯ୍ୟ କରୁଛି । ଟେଷ୍ଟିଂ ଓ ଟିକାଗୁଡ଼ିକର ଗୁଣବତ୍ତା ପରୀକ୍ଷଣ ନିମନ୍ତେ ଏହାର ଦୁଇଟି ସ୍ବୟଂଶାସିତ ଗବେଷଣା ସଂସ୍ଥାନ ପୁଣେସ୍ଥିତ ନ୍ୟାସନାଲ ସେଣ୍ଟର ଫର ସେଲ୍ ସାଇନ୍ସ (ଏନସିସିଏସ) ଏବଂ ହାଇଦ୍ରାବାଦସ୍ଥିତ ନ୍ୟାସନାଲ ଇନଷ୍ଟିଚ୍ୟୁଟ ଅଫ ଆନିମଲ ବାୟୋଟେକ୍ନୋଲୋଜି (ଏନଆଇଏବି) ଠାରେ କେନ୍ଦ୍ରୀୟ ଔଷଧ ପରୀକ୍ଷାଗାର ଭାବେ ଦୁଇଟି ଟିକା ପରୀକ୍ଷଣ ସୁବିଧା କେନ୍ଦ୍ର ସ୍ଥାପନ କରାଯାଇଛି।
ପିଏମ-କେୟାର୍ସ ଫଣ୍ଡ ଟ୍ରଷ୍ଟ ପକ୍ଷରୁ ଯୋଗାଇ ଦିଆଯାଇଥିବା ପାଣ୍ଠି ସହାୟତା ବଳରେ ଡିବିଟି-ଏନସିସିଏସ ଏବଂ ଡିବିଟି-ଏନଆଇଏବି ଠାରେ କେନ୍ଦ୍ରୀୟ ଔଷଧ ପରୀକ୍ଷାଗାର ଭାବରେ ଦୁଇଟି ନୂଆ ଟିକା ପରୀକ୍ଷଣ କେନ୍ଦ୍ର ପ୍ରତିଷ୍ଠା କରାଯାଇଛି। କୋଭିଡ-19 ମହାମାରୀ ପରଠାରୁ, ବାୟୋଟେକ୍ନୋଲୋଜି ବିଭାଗ ପକ୍ଷରୁ କୋଭିଡ-19 ସଂକ୍ରାନ୍ତ ବିଭିନ୍ନ କାର୍ଯ୍ୟକଳାପ ଯେପରିକି ଟିକା ବିକାଶ, ନିଦାନ ଓ ପରୀକ୍ଷଣ ଆଦି ଜାରି ରଖିଛି। ଏହାଛଡ଼ା ମୌଳିକ ଗବେଷଣା ଓ ଟ୍ରାନ୍ସଲେସନାଲ ଗବେଷଣା ଇକୋସିଷ୍ଟମ ବିକଶିତ କରିବା ଦିଗରେ ମଧ୍ୟ ଯୋଗଦାନ ଦେଇ ଆସୁଛି।