ଗୌହାଟୀ:ଗୌହାଟୀ ପୌର ପରିଷଦ ନିର୍ବାଚନରେ (GMC) ବାଜିମାତ କରିଛି ବିଜେପି ଓ ସହଯୋଗୀ ଆସାମ ଗଣପରିଷଦ (AGP) ମେଣ୍ଟ । ମୋଟ 60 ଆସନରୁ 58 ଓ୍ବାର୍ଡରେ ବାଜିମାତ କରିଛି ମେଣ୍ଟ । ଆଜି ସକାଳୁ ମତ ଗଣନା ଆରମ୍ଭ ହୋଇଥିଲା । 60 ଓ୍ବାର୍ଡରେ ମୋଟ 197 ପ୍ରାର୍ଥୀ ନିର୍ବାଚନୀ ମୈଦାନରେ ପ୍ରତିଦ୍ବନ୍ଦ୍ବୀତା କରିଥିଲେ । ପ୍ରାୟ 9 ବର୍ଷ ପରେ ଏହି ପୌର ନିର୍ବାଚନ ଅନୁଷ୍ଠିତ ହୋଇଥିଲା ।
ରାଜ୍ୟ ନିର୍ବାଚନ କମିଶନଙ୍କ ପକ୍ଷରୁ ମିଳିଥିବା ସୂଚନା ଅନୁସାରେ, 52ଟି ଓ୍ବାର୍ଡରେ ବିଜେପି ପ୍ରାର୍ଥୀ ବିଜୟୀ ହୋଇଥିବା ବେଳେ ଆସାମ ଗଣ ପରିଷଦ ଖାତାକୁ 6ଟି ଓ୍ବାର୍ଡ ଆସିଛି । ସେହିପରି ଆମ ଆଦମୀ ପାର୍ଟି (AAP) ଓ ଆସାମ ଜାତୀୟ ପରିଷଦ (AJP) ମାତ୍ର ଗୋଟିଏ ଲେଖାଏଁ ଓ୍ବାର୍ଡ ଜିତିବାରେ ସଫଳ ହୋଇଛନ୍ତି ।