ଲକ୍ଷ୍ନୌ: କଂଗ୍ରେସର ବରିଷ୍ଠ ନେତା ତଥା ଉତ୍ତରପ୍ରଦେଶର ପୂର୍ବତନ ରାଜ୍ୟପାଳ ମୋତିଲାଲ ଭୋରାଙ୍କ ଅସ୍ଥି କଳସକୁ ସଙ୍ଗମରେ ବୁଡାଯାଇଛି । ରବିବାର ତାଙ୍କ ପୁଅ ତଥା ବିଧାୟକ ଅରୁଣ ଭୋରା ଏବଂ ପରିବାରର ଅନ୍ୟ ସଦସ୍ୟମାନେ ବାମରୁଲି ବିମାନବନ୍ଦରରେ ପହଞ୍ଚିଥିଲେ। ସେଠାରେ ଅଲ ଇଣ୍ଡିଆ କଂଗ୍ରେସ କମିଟି ପକ୍ଷରୁ ବରିଷ୍ଠ କଂଗ୍ରେସ ନେତା ପ୍ରମୋଦ ତିୱାରୀ ନିଜେ ବିମାନ ବନ୍ଦରରେ ମୋତିଲାଲ ଭୋରାଙ୍କ ଅସ୍ଥି କଳସରେ ପୁଷ୍ପମାଲ୍ୟ ଅର୍ପଣ କରିଥିଲେ।
ମଧ୍ୟପ୍ରଦେଶର ସଙ୍ଗମଘାଟରେ ପହଞ୍ଚିବା ପରେ ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ମୋତିଲାଲ ଭୋରାଙ୍କ ପୁଅ ଅରୁଣ ଭୋରା ବୈଦିକ ରୀତିନୀତି ମଧ୍ୟରେ ଅସ୍ଥି କଳସକୁ ସଙ୍ଗମରେ ପ୍ରବାହିତ କରିଥିଲେ। ଏହି ଅବସରରେ ପ୍ରମୋଦ ତିୱାରୀଙ୍କ ସହିତ ସ୍ବର୍ଗତ ମୋତିଲାଲଙ୍କ ସମ୍ପର୍କୀୟମାନେ ମଧ୍ୟ ଉପସ୍ଥିତ ଥିଲେ। ରବିବାର ଅପରାହ୍ନରେ ପରିବାର ସ୍ବର୍ଗତ ମୋତିଲାଲ ଭୋରାଙ୍କ ଅସ୍ଥି ନେଇ ସଙ୍ଗମରେ ପହଞ୍ଚିଥିଲେ।