ଲକ୍ଷ୍ନୌ: ଉତ୍ତରପ୍ରଦେଶର ଗାଜିଆବାଦର ବୁଲନ୍ଦ ସହର ରୋଡରେ ଥିବା ଏକ ରାସାୟନିକ କାରଖାନାରେ ଭୟାବହ ଅଗ୍ନିକାଣ୍ଡ । ତେବେ ଏହି ନିଆଁ ଏତେ ଭୟଙ୍କର ଥିଲା ଯେ, ଦେଖୁ ଦେଖୁ ଅନ୍ୟ ଏକ କାରଖାନା ମଧ୍ୟ ଜଳି ଯାଇଥିଲା । କୁହାଯାଉଛି ଯେ ନିଆଁ କାରଣରୁ କାରଖାନାରେ ଥିବା ରାସାୟନିକ ଡ୍ରମ୍ ଫାଟି ଅଧିକ ବିସ୍ଫୋରଣ ହୋଇଛି ।
ସୂଚନା ପାଇବା ମାତ୍ରେ ଅନେକ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଥିଲେ। ଏନଡିଆରଏଫ ଦଳ ମଧ୍ୟ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରଛନ୍ତି । ସୂଚନାନୁସାରେ, ବୁଧବାର ସକାଳେ କବିନଗର ପୋଲିସ ଷ୍ଟେସନ ପରିସରରେ ଥିବା ବୁଲନ୍ଦସହର ରୋଡରେ ଅବସ୍ଥିତ F-23 ମିଥାଇଲ ପିଗମେଣ୍ଟ କାରଖାନାରେ ଅଗ୍ନିକାଣ୍ଡ ଘଟିଥିଲା । ନିଆଁ ଏତେ ବିଶାଳ ରୂପ ନେଇଥିଲା ଥିଲା ଯେ, ନିକଟରେ ଥିବା ଅନ୍ୟ ଦୁଇଟି କାରଖାନା ମଧ୍ୟ ଜଳିଗଲା । ଏହା ଏକ ରାସାୟନିକ କାରଖାନା ହୋଇଥିବାରୁ ମଝି ମଝିରେ ବିସ୍ଫୋରଣ ହେଉଛି ।