ନୂଆଦିଲ୍ଲୀ:ରାଜଧାନୀ ଦିଲ୍ଲୀରେ ଓମିକ୍ରନ(Omicron B1.1.529)ର ପ୍ରଥମ ଗୋଷ୍ଠୀ ସଂକ୍ରମଣ ଆରମ୍ଭ ହୋଇଛି । ଏହାର ପ୍ରମାଣ ମିଳିଛି ବୋଲି ନୂଆଦିଲ୍ଲୀର ଲିଭର ଏବଂ ବିଲିୟାରି ସାଇନ୍ସ ଇନଷ୍ଟିଚ୍ୟୁଟରେ କ୍ଲିନିକାଲ ଭାଇରୋଲୋଜି ବିଭାଗ(ILBS) ପକ୍ଷରୁ ସୂଚନା ଦିଆଯାଇଛି । ଗୋଷ୍ଠୀ ସଂକ୍ରମଣ ବୃଦ୍ଧି ହେଲେ ସଂକ୍ରମଣ ଆହୁରି ବ୍ୟାପିବାର ସମ୍ଭାବନା ରହିଛି । ଏହାରି ମଧ୍ୟରେ ଦିଲ୍ଲୀରେ ଦୈନିକ ସଂକ୍ରମଣ ୨୪ ହଜାରରୁ ଅଧିକ ରହିଛି । ସେହିପରି ପଜିଟିଭ ହାର ୩୦. ୬୪ ପ୍ରତିଶତ ରହୁଛି । ଶୁକ୍ରବାର କୋରୋନାରେ ଆକ୍ରାନ୍ତ ହୋଇ ୩୪ ଜଣଙ୍କର ମୃତ୍ୟୁ ଘଟିଥିବା ବେଳେ ୨୬ ହଜାରରୁ ଅଧିକ ସୁସ୍ଥ ହୋଇଛନ୍ତି ।
ଦିଲ୍ଲୀରେ OMICRONର ଗୋଷ୍ଠୀ ସଂକ୍ରମଣ ଆରମ୍ଭ, ମିଳିଲା ପ୍ରମାଣ - ଦିଲ୍ଲୀରେ କୋରୋନା ସ୍ଥିତି
ରାଜଧାନୀ ଦିଲ୍ଲୀରେ ଓମିକ୍ରନ ଭାଇରସର ପ୍ରଥମ ଗୋଷ୍ଠୀ ସଂକ୍ରମଣ ଆରମ୍ଭ ହୋଇଥିବା ILBS ପକ୍ଷରୁ ସୂଚନା ମିଳିଛି । ଅଧିକ ପଢନ୍ତୁ
ଦିଲ୍ଲୀରେ OMICRONର ପ୍ରଥମ ଗୋଷ୍ଠୀ ସଂକ୍ରମଣ ଆରମ୍ଭ
ସେପଟେ ଦିଲ୍ଲୀରେ ସଂକ୍ରମଣ ପ୍ରାୟ ୪ ହଜାର କମିବ ବୋଲି ଆଶା କରିଛନ୍ତି ସ୍ବାସ୍ଥ୍ୟ ମନ୍ତ୍ରୀ ସତ୍ୟୈନ୍ଦ୍ର ଜୈନ । ଗତ ୫ରୁ ୬ ଦିନ ମଧ୍ୟରେ ହସ୍ପିଟାଲରେ ଆକ୍ରାନ୍ତଙ୍କ ସଂଖ୍ୟା କମ ଥିବାରୁ ସଂକ୍ରମଣ କମିପାରେ ବୋଲି ସେ କହିଛନ୍ତି । ଅନ୍ୟପଟେ ଦିଲ୍ଲୀରେ ପ୍ରାୟ ୮୫ ପ୍ରତିଶତ ବେଡ଼ ଖାଲିଥିବା ସେ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ