ଚେନ୍ନାଇ: ହୃଦଘାତରେ ଆଖି ବୁଜିଲେ ଦେଶର ସର୍ବବୃହତ ଡିଜିଟାଲ ନ୍ୟୁଜ ନେଟଓ୍ବାର୍କ ‘ଇଟିଭି ଭାରତ’ର ବରିଷ୍ଠ ସମ୍ବାଦଦାତା ଲେନିନ୍ ରେଖାନାଥନଙ୍କ । ଆଜି ସଂଧ୍ୟାରେ ହୃଦଘାତରେ 38 ବର୍ଷୀୟ ଲେନିନ୍ ରେଖାନାଥନଙ୍କର ବିୟୋଗ ହୋଇଯାଇଛି । ଇଟିଭି ଭାରତ ତାମିଲନାଡୁ ଡେସ୍କ ପାଇଁ ସେ ଜଣେ ବରିଷ୍ଠ ସମ୍ବାଦଦାତା ଭାବେ ସେ କାର୍ଯ୍ୟରତ ଥିଲେ । ମୃତ୍ୟୁ ବେଳକୁ ତାଙ୍କୁ ମାତ୍ର 38 ବୟସ ହୋଇଥିଲା ।
ତାମିଲନାଡୁର ପୁଡୁକୋଟାଇ ଜିଲ୍ଲାର ଆରାନ୍ତାଙ୍ଗିର ବାସିନ୍ଦା ଥିଲେ ଲେନିନ୍ ରାଚାହାନାଥନ । ସେ ଇଟିଭି ଭାରତର ଚେନ୍ନାଇ ବ୍ୟୁରୋରେ ଜଣେ ବରିଷ୍ଠ ସମ୍ବାଦଦାତା ଭାବରେ କାର୍ଯ୍ୟ କରୁଥିଲେ । ରାଜ୍ୟ ରାଜନୀତିକୁ ରିପୋର୍ଟିଂ କରିବାରେ ତାଙ୍କର ବେଶ ଦକ୍ଷତା ଥିଲା । ସେ ତାମିଲନାଡୁ ରାଜନୈତିକ ବ୍ୟାପାର ସମ୍ପର୍କିତ ଉଚ୍ଚକୋଟିର ରିପୋର୍ଟିଂ ପାଇଁ ଦର୍ଶକୀୟ ଆଦୃତି ମଧ୍ୟ ପାଇଥିଲେ । ଯୁବ ବୟସରେ ଜଣେ ଉତ୍ସାହୀ ସାମ୍ବାଦିକ ଭାବେ ତାଙ୍କର ବେଶ ଭଲ ପରିଚୟ ରହିଥିଲା । ରାଜନୈତିକ ରିପୋର୍ଟିଂ, ପାରିବେଶିକ ଖବର ସହ ବିଭିନ୍ନ ସାମାଜିକ ମୁଦ୍ଦାକୁ ମଧ୍ୟ ନିଜ ସମ୍ବାଦିକତାରେ ସ୍ଥାନ ଦେଇଥିଲେ ।
ଇଟିଭି ଭାରତ ଚେନ୍ନାଇ ବ୍ୟୁରୋରେ ଜଣେ ବରିଷ୍ଠ ପତ୍ରକାର ଭାବେ କାର୍ଯ୍ୟ କରୁଥିବା ଲେନିନ୍ ପୂର୍ବରୁ ଏକାଧିକ ଜାତୀୟ ଗଣମାଧ୍ୟମ ସଂସ୍ଥାରେ ମଧ୍ୟ କାର୍ଯ୍ୟ କରିବାର ଅଭିଜ୍ଞତା ରଖିଛନ୍ତି । ସେ ପୂର୍ବରୁ ଇଣ୍ଡିଆନ୍ ଏକ୍ସପ୍ରେସ୍, ଡିଟି ନେକ୍ସଟ ଏବଂ ଡେକାନ୍ କ୍ରୋନିକଲ୍ ପରି ଲୋକପ୍ରିୟ ଇଂରାଜୀ ଖବରକାଗଜରେ ମଧ୍ୟ କାର୍ଯ୍ୟ କରିଥିଲେ । ଆଜି ସଂଧ୍ୟାରେ ସେ ହଠାତ ହୃଦଘାତର ଶିକାର ହୋଇ ଆଖି ବୁଜିଛନ୍ତି ।