ଶ୍ରୀନଗର: ପୁଣି ସୀମାରେ ଫୁଟିଲା ଗୁଳି । ଜମ୍ମୁ କାଶ୍ମୀର ବାରମୁଲ୍ଲାର ମାଲୱାହା ଅଞ୍ଚଳରେ ସୁରକ୍ଷାବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି । ଏଥରେ ଲସ୍କର ଏ ତୋଏବାର 4ଜଣ ଟପ ଆତଙ୍କୀକୁ ନିପାତ କରିଛି ସୁରକ୍ଷାବାହିନୀ । ବର୍ତ୍ତମାନ ସର୍ଚ୍ଚ ଅପରେସନ ଜାରି ରହିଛି । ବୁଡଗାମ ପୋଲିସ ଓ ସେନା ଏହି ଅପରେସନରେ ସାମିଲ ଅଛନ୍ତି । 4 ଜଣ ଯବାନ ଓ ଜଣେ ସାଧାରଣ ନାଗରିକ ସାମାନ୍ୟ ଆହତ ହୋଇଛନ୍ତି । ଏନେଇ ଟ୍ବିଟ କରି ସୂଚନା ଦେଇଛନ୍ତି କଶ୍ମୀର ଜୋନ ପୋଲିସ ।
ସୂଚନାଅନୁସାରେ, ବାରମୁଲ୍ଲାର ମାଲୱାହା ଅଞ୍ଚଳରେ ଆତଙ୍କବାଦୀଙ୍କ ଉପସ୍ଥିତି ନେଇ ସୂଚନା ପାଇଥିଲା ସେନାବାହିନୀ । ଏହାପରେ ସ୍ଥାନୀୟ ଅଞ୍ଚଳକୁ ଘେରାବନ୍ଦୀ କରି ସର୍ଚ୍ଚ ଅପରେସନ ଆରମ୍ଭ କରିଥିଲା । ଦୁଇପଟୁ ଗୁଳି ବିନିମୟ ହୋଇଥିଲା । ନିହତ ଆତଙ୍କୀ ଜଣକ ହେଲା ୟୁଶୁଫ କାଣ୍ଟ୍ରୋ । ଅନ୍ୟ ଆତଙ୍କୀର ପରିଚୟ ମିଳିପାରିନାହିଁ । ଅନେକ ଅପରାଧିକ କାର୍ଯ୍ୟରେ ତାର ସମ୍ପୃକ୍ତି ରହିଥିଲା । ଏହାଏକ ବଡ ସଫଳତା ବୋଲି କହିଛନ୍ତି କଶ୍ମୀର ଆଇଜିପି । ଫଳରେ 4 ଜଣ ସୁରକ୍ଷାକର୍ମୀ ସାମାନ୍ୟ ଆହତ ହୋଇଥିବା ନେଇ ସୂଚନା ଦେଇଛନ୍ତି ଆଇଜିପି ବିଜୟ କୁମାର ।