ଗାନ୍ଧୀନଗର: ନାମାଙ୍କନ ଭରିଲେ ବୈଦେଶିକ ମନ୍ତ୍ରୀ ଏସ ଜୟଶଙ୍କର । ଆସନ୍ତା ରାଜ୍ୟସଭା ନିର୍ବାଚନ ପାଇଁ ଗୁଜୁରାଟର ଗାନ୍ଧୀ ନଗରରୁ ନାମାଙ୍କନ ଭରିଛନ୍ତି ବୈଦେଶିକ ମନ୍ତ୍ରୀ ଏସ ଜୟଶଙ୍କର । ଏହି ସମୟରେ ଗୁଜୁରାଟ ମୁଖ୍ୟମନ୍ତ୍ରୀ ଭୁପେଶ ପଟେଲ ଉପସ୍ଥିତ ଥିଲେ । 10 ରାଜ୍ୟସଭା ଆସନ ପାଇଁ ଜୁଲାଇ 24 ତାରିଖରେ ନିର୍ବାଚନ ଅନୁଷ୍ଠିତ ହେବ ।
ଗାନ୍ଧୀନଗରରୁ ନାମାନଙ୍କ ଭରିବା ପରେ ଗଣମାଧ୍ୟମକୁ ପ୍ରତିକ୍ରିୟା ଦେଇଛନ୍ତି ଏସ୍.ଜୟଶଙ୍କର କହିଛନ୍ତି,"ମୁଁ ଏବେ ଗୁଜୁରାଟରୁ ନାମାଙ୍କନ ଭରିଛି । ପ୍ରଥମ ମୁଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଦେଉଛି । ବିଜେପି ନେତୃତ୍ବ ଏବଂ ଲୋକ ଏବଂ ଗୁଜୁରାଟ ବିଧାୟକ ସମସ୍ତଙ୍କ ଧନ୍ୟବାଦ ଜଣାଉଛି । 4ବର୍ଷ ପୂର୍ବେ ରାଜ୍ୟସଭାରେ ଗୁଜୁରାଟକୁ ପ୍ରତିନିଧିତ୍ବ କରିବାକୁ ସୁଯୋଗ ପାଇଥିଲି । ପ୍ରଧାନମନ୍ତ୍ରୀଙ୍କ ନେତୃତ୍ବରେ ପରିବର୍ତ୍ତିତ ଦେଶର ଅଂଶ ହେବାର ସୁଯୋଗ ପାଇଥିଲି । ଆଗାମୀ 4ବର୍ଷରେ ଦେଶର ପ୍ରଗତିରେ ମୋର ଅବଦାନ ରହିବ ବୋଲି ଆଶାୟୀ ରହିଛି । ଗୁଜୁରାଟ ସହ ଯୋଡି ହେବା ମୋର ସୌଭାଗ୍ୟ । ଗୁଜୁରାଟଠୁ ବହୁତ କିଛି ଶିଖିଛି ।"
ନିର୍ବାଚନ ଆୟୋଗ 10 ରାଜ୍ୟସଭା ଆସନରେ ନିର୍ବାଚନ ନେଇ ପୂର୍ବରୁ ସୂଚୀ ଘୋଷଣା କରି ସାରିଛନ୍ତି । ଜୁଲାଇ 14 ତାରିଖରେ ନିର୍ବାଚନ ଅନୁଷ୍ଠିତ ହେବ । ଗୋଆ, ଗୁଜୁରାଟ ଏବଂ ପଶ୍ଚିମବଙ୍ଗରେ 10 ରାଜ୍ୟସଭା ଆସନରେ ନିର୍ବାଚନ ଅନୁଷ୍ଠିତ ହେବ । 10 ରାଜ୍ୟସଭା ଆସନରୁ ଜୁଲାଇ ଓ ଅଗଷ୍ଟରେ 10 ଜଣ ସଦସ୍ୟ ଅବସର ନେବେ । ଜୁଲାଇ 24ରେ ଭୋଟ ଗ୍ରହଣ ହେବା ସହ ଉକ୍ତ ଦିନ ହିଁ ଫଳାଫଳ ପ୍ରକାଶ ପାଇବ । ଏସ ଜୟଶଙ୍କର ଗୁଜୁରାଟରୁ ନାମାଙ୍କନ ଭରିଛନ୍ତି ।