ଲାଲକିଲ୍ଲା ହିଂସା: ଡଚ୍‌ ନାଗରିକ ସହ 2 ଗିରଫ

ଲାଲକିଲ୍ଲା ହିଂସା ଘଟଣାରେ ଦୁଇ ଜଣ ଗିରଫ ହୋଇଛନ୍ତି । ଏଥିରେ ଜଣେ ଡଚ୍‌ ନାଗରିକ ରହିଛନ୍ତି । ଅଧିକ ପଢନ୍ତୁ...

ନୂଆଦିଲ୍ଲୀ: ଦିଲ୍ଲୀର ଲାଲକିଲ୍ଲା ହିଂସା ଘଟଣାରେ ଆଉ ଦୁଇ ଜଣ ଗିରଫ ହୋଇଛନ୍ତି । ଦୁଇ ଜଣଙ୍କ ମଧ୍ୟରେ ଜଣେ ଡଚ୍‌ ନାଗରିକ ଥିବା ଜଣାପଡିଛନ୍ତି । ତେବେ ସେ ଭାରତୀୟ ବଂଶୋଦ୍ଭବ ହୋଇଥିବା କୁହାଯାଉଛି ।

ଗିରଫ ହୋଇଥିବା ଦୁଇ ଜଣଙ୍କ ମଧ୍ୟରୁ ଡଚ ନାଗରିକ ଜଣଙ୍କ 23 ବର୍ଷୀୟ ମନିନ୍ଦରଜୀତ ସିଂ ହୋଇଥିବାବେଳେ ଅନ୍ୟ ଜଣେ ଦିଲ୍ଲୀର ଖେମପ୍ରିତ ସିଂ ବୋଲି ଜଣାପଡିଛନ୍ତି । ଖେମପ୍ରିତ ସିଂ ପୋଲିସ ଉପରେ ଆକ୍ରମଣ କରିଥିବା ଅଭିଯୋଗରେ ଗିରଫ ହୋଇଛନ୍ତି ।

ଉଭୟଙ୍କୁ ମଙ୍ଗଳବାର ରାତିରେ ଗିରଫ କରାଯାଇଛି । ମନିନ୍ଦରଜୀତ ସିଂ ଲାଲକିଲ୍ଲା ହିଂସାରେ ସାମିଲ ଥିବାର ଭିଡିଓ ଫୁଟେଜ ମିଳିଥିବା ପୋଲିସ କହିଛି । ସୂଚନାଥାଉକି, ଦୁଇ ଜଣଙ୍କ ଗିରଫ ପରେ ଲାଲକିଲ୍ଲା ହିଂସା ଘଟଣାରେ ଗିରଫ ସଂଖ୍ୟା 14ରେ ପହଞ୍ଚିଛି ।