ବେଙ୍ଗାଲୁରୁ: କର୍ଣ୍ଣାଟକର ଚିତ୍ରଦୁର୍ଗ ଏରୋନୋଟିକାଲ୍ ଟେଷ୍ଟ୍ ରେଞ୍ଜ୍ରେ ଡିଆରଡିଓକୁ ଜବରଦସ୍ତ ସଫଳତା । ସ୍ୱଂୟଚାଳିତ ଯୁଦ୍ଧ ବିମାନ (unmanned combat aircraft)ର ସଫଳ ଅଟୋନୋମସ୍ ୱିଙ୍ଗ୍ ଟେକ୍ନୋଲୋଜୀ ଡେମୋନଷ୍ଟ୍ରେଟର ପରୀକ୍ଷଣ ହୋଇଛି । ଆକାଶ ମାର୍ଗରେ ଏହାର ଗତି ଓ କ୍ଷମତାର ଅନୁଧ୍ୟାନ କରିଛି ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ । ଏହି ଅଟୋନୋମସ୍ ୱିଙ୍ଗ୍ ଟେକ୍ନୋଲୋଜୀ ଡେମନୋଷ୍ଟ୍ରେଟରର ସଫଳ ପୂର୍ବକ ପରୀକ୍ଷଣ ହେବାରେ ଅଧିକ ଶକ୍ତିଶାଳୀ ହୋଇଛି ଭାରତୀୟ ବାୟୁସେନା ।
ଏହାକୁ ନେଇ ଟ୍ବିଟ୍ କରି ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନକୁ ଶୁଭେଚ୍ଛା ଜଣାଇଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ସେ ଟ୍ବିଟ୍ କରି କହିଛନ୍ତି ଯେ, " ଅଟୋନୋମସ୍ ଫ୍ଲାଇଂ ୱିଙ୍ଗ୍ ଟେକ୍ନୋଲୋଜୀ ଡେମନୋଷ୍ଟ୍ରେଟର(Autonomous Flying Wing Technology Demonstrator)ର ସ୍ବଚାଳିତ ଯୁଦ୍ଧ ବିମାନର ସଫଳ ପରୀକ୍ଷଣ ପାଇଁ ମୁଁ DRDOକୁ ଶୁଭେଚ୍ଛା ଜଣାଉଛି । ସ୍ବଚାଳିତ ବିମାନ ବିକଶିତ କରିବାରେ ଏହା ଏକ ଗୁରୁତ୍ବପୂର୍ଣ୍ଣ ଉପଲବ୍ଧି । ମିଲିଟାରୀ ସିଷ୍ଟମରକୁ ସଶକ୍ତ କରିବା ଏହା ଆତ୍ମନିର୍ଭର ଭାରତର ମଧ୍ୟ ଏକ ସଫଳତା ।"