ନୂଆଦିଲ୍ଲୀ:ରାଜଧାନୀ ଦିଲ୍ଲୀ ଉପରେ ଏକ ବଡଧରଣର ଆତଙ୍କୀ ଆକ୍ରମଣ ପଣ୍ଡ । ଦିଲ୍ଲୀରୁ ଧରାପଡ଼ିଛି ଜଣେ ପାକିସ୍ତାନ ଆତଙ୍କବାଦୀ । ଦିଲ୍ଲୀ ପୋଲିସର ସ୍ପେଶାଲ ସେଲ୍ ଲକ୍ଷ୍ମୀ ନଗର ଅଞ୍ଚଳରେ ରହୁଥିବା ପାକିସ୍ତାନ ଆତଙ୍କୀ ମହମ୍ମଦ ଅଶରଫକୁ ଗିରଫ କରିଛି । ଏହା ସହିତ ବିପୁଳ ପରିମାଣର ଅସ୍ତ୍ରଶସ୍ତ୍ର ଠାବ କରିଛି ।
ସୂଚନା ଅନୁଯାୟୀ, ଦିଲ୍ଲୀ ପୋଲିସ ସ୍ପେଶାଲ ସେଲ୍ ଲକ୍ଷ୍ମୀନଗରର ଅଞ୍ଚଳରେ ଆତଙ୍କୀ କାର୍ଯ୍ୟକଳାପ ସମ୍ପର୍କରେ ଖବର ପାଇଥିଲା । ଏହାପରେ ପୋଲିସ ସେଠାରେ ରେଡ ମାରିଥିଲା । ଏହି ସମୟରେ ପୋଲି ଅଧିକାରୀଙ୍କ ପଞ୍ଝାରେ ପଡିଥିଲା ଅଶରଫ । ତା ପାଖରୁ ଏକେ -୪୭ ରାଇଫଲ, ୬୦ ରାଉଣ୍ଡ ଗୁଳି ସହ ଅତିରକ୍ତ ମାଗାଜିନ, ଗୋଟିଏ ହ୍ୟାଣ୍ଡ ଗ୍ରେନେଡ, ୨ଟି ଅତ୍ୟାଧୁନିକ ପିସ୍ତଲ ଓ ୫୦ ରାଉଣ୍ଡ ଗୁଳି ଜବତ ହୋଇଛି ।