ନୂଆଦିଲ୍ଲୀ: କୁସ୍ତିଯୋଦ୍ଧା ସୁଶୀଲ କୁମାରଙ୍କ ଜାମିନ ଆବେଦନକୁ ନେଇ ଦିଲ୍ଲୀ ହାଇକୋର୍ଟ ପୋଲିସକୁ ନୋଟିସ କରିଛି । ଶୁକ୍ରବାର ଦିଲ୍ଲୀ ହାଇକୋର୍ଟ ସାଗର ଧନକର ହତ୍ୟାକାଣ୍ଡ ମାମଲାରେ ଜେଲରେ ଥିବା କୁସ୍ତିଯୋଦ୍ଧା ସୁଶୀଲ କୁମାରଙ୍କ ଜାମିନ ଆବେଦନକୁ ନେଇ ନୋଟିସ କରିଛନ୍ତି ।
ଦିଲ୍ଲୀ ଛତ୍ରଶାଲ ଷ୍ଟାଡିୟମରେ 23 ବର୍ଷୀୟ କୁସ୍ତିଯୋଦ୍ଧା ସାଗର ଧନକରଙ୍କ ହତ୍ୟା (Sagar Dhankar murder case) ମାମଲାରେ ସୁଶୀଲ କୁମାରଙ୍କ ନିୟମିତ ଜାମିନ ଆବେଦନ ଉପରେ ଦିଲ୍ଲୀ ହାଇକୋର୍ଟ ଶୁକ୍ରବାର ଦିଲ୍ଲୀ ପୋଲିସକୁ ନୋଟିସ ଜାରି କରିଛନ୍ତି । ଜଷ୍ଟିସ ମୁକ୍ତା ଗୁପ୍ତାଙ୍କ ବେଞ୍ଚ ଏହି ମାମଲାର ଦିଲ୍ଲୀ ପୋଲିସର ଜବାବ ମାଗିଛନ୍ତି ଏବଂ ମାମଲାର ପରବର୍ତ୍ତୀ ଶୁଣାଣି ମାର୍ଚ୍ଚ 28, 2022 ଧାର୍ଯ୍ୟ କରିଛନ୍ତି। ବରିଷ୍ଠ ଆଡଭୋକେଟ୍ ସିଦ୍ଧାର୍ଥ ଲୁଥ୍ରା ଏବଂ ପ୍ରଦୀପ ରାଣା ରେସଲର ସୁଶୀଲ କୁମାରଙ୍କ ପକ୍ଷରୁ ମାମଲା ଲଢୁଛନ୍ତି ।