ନୂଆଦିଲ୍ଲୀ: ଚଳିତ ବର୍ଷର ପଦ୍ମ ପୁରସ୍କାର ପାଇଁ କୋରୋନା ବିରୋଧରେ ଲଢେଇ କରି ବଳିଷ୍ଠ ପରିଚୟ ସୃଷ୍ଟି କରିଥିବା ଡାକ୍ତର ଓ ସ୍ବାସ୍ଥ୍ୟକର୍ମୀଙ୍କ ନାମ ସୁପାରିଶ କରିବେ ଦିଲ୍ଲୀ ସରକାର । ମହାମାରୀ ସମୟରେ ଡାକ୍ତର ଓ ସ୍ବାସ୍ଥ୍ୟକର୍ମୀ ଯିଏକି ସ୍ବତନ୍ତ୍ର ପରିଚୟ ପାଇବା ଆବଶ୍ୟକ ସେମାନଙ୍କ ନାମ ସୁପାରିଶ କରିବାକୁ ଦିଲ୍ଲୀବାସୀଙ୍କୁ କହିଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜିରୱାଲ ।
ମହାମାରୀ ସମୟରେ ଅନେକ ଡାକ୍ତର ଓ ସ୍ବାସ୍ଥ୍ୟକର୍ମୀ ନିଜ ଜୀବନକୁ ବାଜି ଲଗାଇ ଆକ୍ରାନ୍ତଙ୍କ ସେବା କରିଆସିଛନ୍ତି । ସେଥିମଧ୍ୟରୁ କିଛି ବଳିଷ୍ଠ ବ୍ୟକ୍ତିତ୍ବ ଅଛନ୍ତି ଯେ କି ଡାକ୍ତର ଓ ସ୍ବାସ୍ଥ୍ୟକର୍ମୀ ହିସାବରେ ବଡ ତ୍ୟାଗ ମଧ୍ୟ ଦେଇଛନ୍ତି । ତେବେ ଏଭଳି ଡାକ୍ତର ଓ ସ୍ବାସ୍ଥ୍ୟକର୍ମୀ ଦେଶରେ ଏକ ସ୍ବତନ୍ତ୍ର ପରିଚୟ ପାଇବା ଆବଶ୍ୟକ । ଏଣୁ ସେମାନଙ୍କୁ ଦେଶର ସର୍ବୋଚ୍ଚ ସମ୍ମାନ ପଦ୍ମ ଦ୍ବାରା ପୁରସ୍କୃତ କରିବା ପାଇଁ ମୁଖ୍ୟମନ୍ତ୍ରୀ ନିଷ୍ପତ୍ତି ନେଇଛନ୍ତି । ଏଥିଲାଗି ସେ ନାମ ଚୟନ କରି ପଦ୍ମ ପୁରସ୍କାର ପାଇଁ ନାଁ ସୁପାରିଶ କରିବେ ବୋଲି କହିଛନ୍ତି । ଦିଲ୍ଲୀବାସୀ ଅଗଷ୍ଟ ୧୫ ତାରିଖ ମଧ୍ୟରେ ଏଭଳି କିଛି ବ୍ୟକ୍ତିତ୍ବଙ୍କ ନାଁ padmaawards.delhi@gmail.com ଏହି ୱେବସାଇଟରେ ଦେବା ପାଇଁ କହିଛନ୍ତି ।