ପାଟନା:କେନ୍ଦ୍ର ସରକାରଙ୍କ ଅଗ୍ନିପଥ ଯୋଜନାକୁ ନେଇ ବଢୁଛି ହିଂସା । ବିଭିନ୍ନ ରାଜ୍ୟରେ ଆନ୍ଦୋଳନ ତୀବ୍ର ହେଉଛି । ବିକ୍ଷୋଭର ବହ୍ନି ଗୋଟିଏ ରାଜ୍ୟରୁ ଅନ୍ୟ ରାଜ୍ୟକୁ ବ୍ୟାପିବାରେ ଲାଗିଛି । ଆଜି ଆନ୍ଦୋଳନ ତୃତୀୟ ଦିନରେ ପହଞ୍ଚିଥିବା ବେଳେ ବିହାରରେ ଏକାଧିକ ଷ୍ଟେସନରେ ଥିବା ଟ୍ରେନରେ ନିଆଁ ଲଗାଇ ଦେଇଛନ୍ତି ଉତ୍ୟକ୍ତ ଛାତ୍ରଛାତ୍ରୀ(Agnipath Scheme protests in Bihar) । ଲଖିସରାଇ(Lakhisarai) ଠାରେ ଆନ୍ଦୋଳନକାରୀ ବିକ୍ରମଶିଳା(Vikramshila Express) ଏକ୍ସପ୍ରେସର ୩ଟି ବଗି ଜାଳି ଦେଇଛନ୍ତି ।
ସମଷ୍ଟିପୁର ଠାରେ ମଧ୍ୟ ବିକ୍ଷୋଭକାରୀ ଗୋଟିଏ ଟ୍ରେନର ଦୁଇଟି ବଗିରେ ନିଆଁ ଲଗାଇଥିବାବେଳେ ବକ୍ସରରେ ରେଳ ଟ୍ରାକ ଅବରୋଧ କରିଛନ୍ତି । ବେଗୁସରାଇ ରେଳ ଷ୍ଟେସନରେ ଉତ୍ୟକ୍ତ ଛାତ୍ରଛାତ୍ରୀ ସମ୍ପର୍କ କ୍ରାନ୍ତି ଏକ୍ସପ୍ରେସ ଟ୍ରେନରେ ବ୍ୟାପକ ଭଙ୍ଗାରୁଜା କରିଥିବାର ଜଣାପଡିଛି । ବର୍ତ୍ତମାନ କିଛି ଛାତ୍ରଛାତ୍ରୀ ରେଳ ଟ୍ରାକ ଉପରେ ଆନ୍ଦୋଳନ କରୁଛନ୍ତି । ବିକ୍ଷୋଭକାରୀ ଦିଲ୍ଲୀ-କୋଲକାତା ମୁଖ୍ୟ ରେଳ ରାସ୍ତା ଅବରୋଧ କରିବା ଯୋଗୁଁ କିଛି ଟ୍ରେନ ସମୟ ବଦଳାଇ ଦିଆଯାଇଛି ।