ପାଟନା: ସନ୍ତାନ ସୁଖ ସମସ୍ତଙ୍କ ଭାଗ୍ୟରେ ନଥାଏ । ଭାରତରେ ଲିଙ୍ଗଗତ ଭେଦଭାବ ଏବେ ବି ଜାରି ରହିଛି । ଏବେ ବି ଶିଶୁକନ୍ୟାକୁ ଅନେକ ପରିବାରରେ ପାଇଁ ଅଲୋଡା । ତେବେ ବିହାରରୁ ଏଭଳି ଏକ ଖବର ସାମ୍ନାକୁ ଆସିଛି ଯେଉଁଠି କି ୪୫ ବର୍ଷ ପରେ ଘରେ ଶିଶୁକନ୍ୟାଟିଏ ଜନ୍ମ ନେଇଥିବାରୁ ପରିବାରରେ ଆନନ୍ଦ ଉତ୍ସବର ମାହୋଲ ଦେଖିବାକୁ ମିଳିଛି । ଏଭଳି ଏକ ଘଟଣା ଦେଖିବାକୁ ମିଳିଛି ବିହାର ଶରଣ ଜିଲ୍ଲାର କମା ନାଗ ପଞ୍ଚାୟତ ଅଞ୍ଚଳରେ ।
୪୫ ବର୍ଷ ପରେ ଜନ୍ମନେଲା ଶିଶୁ କନ୍ୟା, ହସ୍ପିଟାଲରୁ ବାଜାବଜାଇ ଘରକୁ ପାଛୋଟିନେଲେ ପରିବାର
ସୂଚନା ଅନୁସାରେ, ଏକମା ନାଗ ପଞ୍ଚାୟତ ଅଞ୍ଚଳର ଧୀରଜ ଗୁପ୍ତା ନାମକ ଏକ ବ୍ୟକ୍ତିଙ୍କ ବିବାହର ୪୫ ବର୍ଷ ପରେ ଏକ କନ୍ୟା ସନ୍ତାନ ଜନ୍ମ ହୋଇଛି । ଏହାପରେ ପରିବାର ଲୋକଙ୍କ ଖୁସି ଦ୍ବିଗୁଣିତ ହୋଇଯାଇଛି । ପରିବାର ଲୋକେ ବ୍ୟାଣ୍ଡ ବାଜା, ବାଣ ଫୁଟାଇ ବଜାଇ ଶିଶୁକନ୍ୟାକୁ ଘରକୁ ପାଛୋଟି ଆଣିଛନ୍ତି । ଯାହାକି ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।