କଲମ୍ବୋ:ଆର୍ଥିକ ସଙ୍କଟରୁ ସୃଷ୍ଟି ହୋଇଥିବା ରାଜନୈତିକ ସଙ୍କଟ ଫଳରେ ଶ୍ରୀଲଙ୍କାରେ ସ୍ଥିତି ଅଣାୟତ । ପ୍ରଧାନମନ୍ତ୍ରୀ ମହିନ୍ଦା ରାଜପାକସେଙ୍କ ଇସ୍ତଫା ପରେ ଦେଶର ବିଭିନ୍ନ ସ୍ଥାନରେ ସୃଷ୍ଟି ହୋଇଥିବା ହିଂସାକାଣ୍ଡରେ ବର୍ତ୍ତମାନ ସୁଦ୍ଧା 8ଜଣ ପ୍ରାଣ ହରାଇବା ପରେ ସେନା ଛାଉଣୀରେ ପରିଣତ ହୋଇଛି ସମଗ୍ର ଦେଶ । ରାଜରାସ୍ତାରେ ଶ୍ରୀଲଙ୍କା ସେନାର ଯବାନ ପଇଁତରା ମାରୁଛନ୍ତି । କୌଣସି ପ୍ରକାର ଅପ୍ରିତିକର ସ୍ଥିତିକୁ ନିୟନ୍ତ୍ରଣ କରିବା ପାଇଁ ହିଂସାକାରୀଙ୍କ ଉପରେ ଅବିଳମ୍ବେ ଗୁଳି ଚଳାଇବା ପାଇଁ ସେନାକୁ ନିର୍ଦ୍ଦେଶ ଦିଆଯାଇଛି ।
Sri Lanka violence: ଅସମ୍ଭାଳ ଶ୍ରୀଲଙ୍କା, ରାଜପଥରେ ସେନା ପ୍ରଧାନମନ୍ତ୍ରୀ ମହିନ୍ଦା ରାଜପାକସେଙ୍କ ଇସ୍ତଫା ପରେ ମୁହାଁମୁହିଁ ହୋଇଥିଲେ ସରକାର ବିରୋଧୀ ଓ ସପକ୍ଷବାଦୀ । ରାଜଧାନୀ କଲମ୍ବୋ ସମେତ ବିଭିନ୍ନ ସ୍ଥାନରେ ବ୍ୟାପକ ହିଂସା ଦେଖିବାକୁ ମିଳିଥିଲା । ପ୍ରଧାନମନ୍ତ୍ରୀଙ୍କ ପରିବାର ସମେତ ମେୟର ଓ ସାଂସଦମାନେ ମଧ୍ୟ ଆକ୍ରମଣରୁ ରକ୍ଷା ପାଇନଥିଲେ । ଜଣେ ସାଂସଦଙ୍କ ସମେତ ମୋଟ 8 ଜଣଙ୍କ ମୃତ୍ୟୁ ହୋଇଥିବା ବେଳେ ପ୍ରାୟ 200 ଆହତ ମଧ୍ୟ ହୋଇଥିଲେ । ଇସ୍ତଫା ଦେଇଥିବା ପୂର୍ବତନ ପ୍ରଧାନମନ୍ତ୍ରୀ ମହିନ୍ଦା ରାଜପାକସେଙ୍କ ପରିବାରକୁ ମଧ୍ୟ ସୁରକ୍ଷା ଦୃଷ୍ଟିରୁ ଏକ ନାଭାଲ ବେସରେ ରଖିବାକୁ ପଡିଥିଲା ।
Sri Lanka violence: ଅସମ୍ଭାଳ ଶ୍ରୀଲଙ୍କା, ରାଜପଥରେ ସେନା Sri Lanka violence: ଅସମ୍ଭାଳ ଶ୍ରୀଲଙ୍କା, ରାଜପଥରେ ସେନା ଦେଶରେ ଆର୍ଥିକ ସଙ୍କଟକୁ ରାଜନୈତିକ ଅସ୍ଥିରତା ଓ ହିଂସା ବଳିଯିବା ପରେ ସେନା କାର୍ଯ୍ୟାନୁଷ୍ଠାନ ନେବା ଆରମ୍ଭ କରିଛି । ରାଜଧାନୀ କଲମ୍ବୋ ସମେତ ବିଭିନ୍ନ ସମ୍ବେଦନଶୀଳ ସ୍ଥାନରେ ସେନା ମୁତୟନକୁ ବ୍ୟାପକ କରାଯାଇଛି । ରାଜଧାନୀ ରାଜରାସ୍ତାରେ ସେନାର ଗାଡି ଯବାନଙ୍କୁ ନେଇ ଯାଉଥିବାର ଭିଡିଓ ମଧ୍ୟ ସୋସିଆଲ ମିଡିଆରେ ଭାଇାରାଲ ହେବାରେ ଲାଗିଛି । କୌଣସି ପରିସ୍ଥିତିରେ ହିଂସା ଦେଖାଗଲେ ସୁରକ୍ଷା ବଳ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ମଧ୍ୟ ପାଇ ସାରିଛନ୍ତି । ବିଭିନ୍ନ ସ୍ଥାନରେ ଅନାବଶ୍ୟକ ଗତିବିଧି ପାଇଁ ଚେକିଂ ମଧ୍ୟ କଡାକଡି କରାଯାଇଛି । ଦେଶରେ ଜରୁରୀକାଳୀନ ସ୍ଥିତି ଘୋଷଣା ହୋଇଛି । ଲୋକଙ୍କ ଏକାଠି ହେବା ଉପରେ ମଧ୍ୟ ପ୍ରତିବନ୍ଧକ ଲାଗିଛି ।
Sri Lanka violence: ଅସମ୍ଭାଳ ଶ୍ରୀଲଙ୍କା, ରାଜପଥରେ ସେନା ତେବେ ସେନା ବର୍ତ୍ତମାନ ଶ୍ରୀଲଙ୍କାର ଶାସନ କ୍ଷମତାକୁ ହାତକୁ ନେଇଥିବା କିଛି ଗଣମାଧ୍ୟମରେ ଚର୍ଚ୍ଚା ହେଉଥିବା ବେଳେ ପ୍ରତିରକ୍ଷା ମନ୍ତ୍ରଣାଳର ଜଣେ ବରିଷ୍ଠ ଅଧିକାରୀ ଏପରି ଚର୍ଚ୍ଚାକୁ ଖଣ୍ଡନ କରିବା ସହ ଭିତ୍ତିହୀନ ଖବର ବୋଲି ଦର୍ଶାଇଛନ୍ତି । ସ୍ଥିତି ନିୟନ୍ତ୍ରଣ କରିବା ପାଇଁ ସେନା ମୁତୟନ ହୋଇଥିବା ସେ ସ୍ପଷ୍ଟ କରିଛନ୍ତି । ଶ୍ରୀଲଙ୍କାରେ ସାମରିକ ଶାସନର ଆବଶ୍ୟକତା ନଥିବା ମଧ୍ୟ ଅଧିକାରୀଜଣଙ୍କ ସୂଚନା ଦେଇଛନ୍ତି ।
Sri Lanka violence: ଅସମ୍ଭାଳ ଶ୍ରୀଲଙ୍କା, ରାଜପଥରେ ସେନା ଅନ୍ୟପଟେ ଶ୍ରୀଲଙ୍କାର କିଛି ଶୀର୍ଷ ରାଜନୈତିକ ବ୍ୟକ୍ତି ଏବଂ ସେମାନଙ୍କ ପରିବାର ଭାରତକୁ ପଳାୟନ କରିଛନ୍ତି ବୋଲି ସୋସିଆଲ ମିଡିଆରେ ଜାରି ରହିଥିବା ଚର୍ଚ୍ଚାକୁ ଖଣ୍ଡନ କରିଛି ଭାରତ । ସେହିପରି ସ୍ଥିତି ନିୟନ୍ତ୍ରଣ ପାଇଁ ଭାରତ ମଧ୍ୟ ସେନା ପଠାଉଥିବା ଖବରକୁ ମଧ୍ୟ ବୈଦେଶିକ ମନ୍ତ୍ରଣାଳୟ ଓ କଲମ୍ବୋରେ ଅବସ୍ଥାପିତ ଭାରତୀୟ ଦୂତାବାସ ଅସ୍ୱୀକାର କରିଛି । ଏହି ସଙ୍କଟକୁ ଦୂର କରିବାରେ ସାହାଯ୍ୟ କରିବା ପାଇଁ ଭାରତ 3.5 ବିଲିୟନ ଡଲାରର ଖାଦ୍ୟ ଏବଂ ଔଷଧ ଭଳି ଅତ୍ୟାବଶ୍ୟକ ସାମଗ୍ରୀ ପଠାଯାଇଛି ବୋଲି ନୂଆଦିଲ୍ଲୀରେ ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି ।
Sri Lanka violence: ଅସମ୍ଭାଳ ଶ୍ରୀଲଙ୍କା, ରାଜପଥରେ ସେନା ଗତ କିଛି ମାସ ହେବ ଶ୍ରୀଲଙ୍କାରେ ଆର୍ଥିକ ସଙ୍କଟ ଜାରି ରହିଛି । ଦେଶରେ ଖାଦ୍ୟ ସାମଗ୍ରୀ, ଇନ୍ଧନ, ଶକ୍ତି ଓ ଔଷଧ ପରି ଜରୁରୀ ସାମଗ୍ରୀର ଘୋର ଅଭାବ ଲାଗି ରହିଛି । ଏହାରି ମଧ୍ୟରେ ଦେଶରେ ରାଜନୈତିକ ଅସ୍ଥିରତା ମଧ୍ୟ ଲାଗି ରହିଥିଲା । ଗତ ଦୁଇ ଦିନ ତଳେ ପ୍ରଧାନମନ୍ତ୍ରୀ ମହିନ୍ଦା ରାଜପାକସେଙ୍କ ଇସ୍ତଫା ପରେ ସ୍ଥିତି ଆହୁରି ଜଟିଳ ହେବାରେ ଲାଗିଛି । ସରକାର ସମର୍ଥକ ଓ ବିରୋଧୀଙ୍କ ମଧ୍ୟରେ ହିଂସାକାଣ୍ଡ ପରେ ଦେଶରେ ସେନା ମୁତୟନ ହେବା ଆରମ୍ଭ ହୋଇଛି ।
Sri Lanka violence: ଅସମ୍ଭାଳ ଶ୍ରୀଲଙ୍କା, ରାଜପଥରେ ସେନା ବ୍ୟୁରୋ ରିପୋର୍ଟ, ଇଟିଭି ଭାରତ
