ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ଦିନକୁ ଦିନ କରୋନା ସଂକ୍ରମଣ ବୃଦ୍ଧି ପାଇବାରେ ଲାଗିଛି । ସଂକ୍ରମଣ ବୃଦ୍ଧି ପାଉଥିବା ନେଇ ମତ ରଖିଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ଦିଲ୍ଲୀରେ ନିୟମିତ ସଂକ୍ରମଣ ବୃଦ୍ଧି ପାଉଛି ହେଲେ ଏଥିପାଇଁ ଭୟଭୀତ ହେବାର ଆବଶ୍ୟକତା ନାହିଁ ବୋଲି ସେ କହିଛନ୍ତି।
ଆମକୁ ଦାୟିତ୍ବର ସହ ସମସ୍ତଙ୍କୁ ମିଶି ସତର୍କତା ଅବଲମ୍ବନ କରିବାକୁ ହେବ କହିଛନ୍ତି ମୁଖ୍ୟମନ୍ତ୍ରୀ। ସେ ଏହା ମଧ୍ୟ କହିଛନ୍ତି ଦିଲ୍ଲୀରେ ୩୭ ହଜାର ଅକ୍ସିଜେନ ବେଡ ପ୍ରସ୍ତୁତ ଅଛି । ହେଲେ ସେଥି ମଧ୍ୟରୁ ୮୨ ଜଣଙ୍କ କ୍ଷେତ୍ରରେ ଏହା ବ୍ୟବହାର ହୋଇଛି ।
ଏହି ପରିପ୍ରେକ୍ଷୀରେ କେଜ୍ରିୱାଲ କହିଛନ୍ତି ଆମକୁ ମାସ୍କ ପିନ୍ଧିବା ସହ କୋଭିଡ ନିୟମକୁ ମାନିବାକୁ ପଡ଼ିବ । ତିନି ଦିନରେ ରାଜ୍ୟରେ ସଂକ୍ରମିତଙ୍କ ସଂଖ୍ୟା ୩ ଗୁଣା ବୃଦ୍ଧି ପାଇଛି ।