ନୂଆଦିଲ୍ଲୀ: ଦେଶରେ ତଳମୁହାଁ କୋରୋନା ଗ୍ରାଫ । ନିୟନ୍ତ୍ରଣକୁ ଆସୁଛି ମହାମାରୀ । ଗତ 24 ଘଣ୍ଟା ମଧ୍ୟରେ ଦେଶରେ 25 ହଜାର 166 ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି, ଯାହା 154 ଦିନ ମଧ୍ୟରେ ସର୍ବନିମ୍ନ । ଏହାସହ 437 ଜଣଙ୍କ ଜୀବନ ନେଇଛି କିଲର ଭାଇରସ । ଏହାକୁ ମିଶାଇ ଦେଶରେ ମୃତ୍ୟୁସଂଖ୍ୟା 4 ଲକ୍ଷ 32 ହଜାର 79 ରେ ପହଞ୍ଚିଛି। ଦେଶରେ ଏବେ 3 ଲକ୍ଷ 69 ହଜାର 846 ଟି ସକ୍ରିୟ ମାମଲା ରହିଛି, ଯାହା 146 ଦିନରେ ସର୍ବନିମ୍ନ ।
ମଙ୍ଗଳବାର କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ଦ୍ବାରା ଦିଆଯାଇଥିବା ତଥ୍ୟ ଅନୁଯାୟୀ, ଗତ 24 ଘଣ୍ଟା ମଧ୍ୟରେ ଦେଶରେ ସମୁଦାୟ 36 ହଜାର 830 ଡିସଚାର୍ଜ ହୋଇଛନ୍ତି, ଯାହାକୁ ମିଶାଇ ଦେଶରେ ଏଯାବତ 3 କୋଟି 14 ଲକ୍ଷ 48 ହଜାର 754 ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ଏହା ସହ ଦେଶରେ ସମୁଦାୟ ସୁସ୍ଥ ହାର 97.51 ପ୍ରତିଶତରେ ପହଞ୍ଚିଛି ।