ହାଇଦ୍ରାବାଦ:ବାଲେଶ୍ବର ବାହାନଗାରେ ଦୁର୍ଘଟଣାଗ୍ରସ୍ତ ହୋଇଛି 3 ଟ୍ରେନ । ଗତକାଲି ଠାରୁ ଆରମ୍ଭ ହୋଇଥିବା ଉଦ୍ଧାର ଅପରେସନ କିଛି ସମୟ ପୂର୍ବରୁ ଶେଷ ହୋଇଛି । ଏଥିରେ ଏବେ ସୁଦ୍ଧାମୃତ୍ୟୁ ସଂଖ୍ୟା 261 ରେ ପହଞ୍ଚିଲାଣି । ତେବେ ଦୁର୍ଘଟଣାର ଶିକାର ହୋଇଥିବା ହାଓ୍ବଡା-ଚେନ୍ନାଇ କରମଣ୍ଡଳ ଏକ୍ସପ୍ରେସକୁ ନେଇ ଏବେ ଚର୍ଚ୍ଚା । କାରଣ ଓଡିଶାରେ ଏହି ଟ୍ରେନ ଦୁର୍ଘଟଣାର ଶିକାର ହେବା ପ୍ରଥମ ଘଟଣା ନୁହେଁ । ଆଜିକୁ ଠିକ 14 ବର୍ଷ ତଳେ ଏହି ଶୁକ୍ରବାର ରାତିରେ ଓଡିଶା ଯାଜପୁର ରୋଡ ନିକଟରେ ଦୁର୍ଘଟଣାର ଶିକାର ହୋଇଥିଲା ଏହି କରମଣ୍ଡଳ ସୁପରଫାଷ୍ଟ ଏକ୍ସପ୍ରେସ । 2009 ମସିହା ଫେବୃଆରୀ 13 ତାରିଖ ରାତିରେ ଯାଜପୁର ଜିଲ୍ଲାରେ ଲାଇନଚ୍ୟୁତ ହୋଇଥିଲା ଏହି ସୁପରଫାଷ୍ଟ ଟ୍ରେନ । ପୁଣି ଥରେ ସେହି ଶୁକ୍ରବାର ରାତିରେ ଦୁର୍ଘଟଣାର ଶିକାର ହୋଇଛି କରମଣ୍ଡଳ ଏକ୍ସପ୍ରେସ । ହେଲେ ଏଥର ମୃତ୍ୟୁସଂଖ୍ୟା ସବୁ ସୀମା ପାର କରିଯାଇଛି । ଏବେ ସୁଦ୍ଧା ପ୍ରାୟ 261 ଜଣଙ୍କ ମୃତ୍ୟୁ ହୋଇଥିବା ବେଳେ ମୃତ୍ୟୁସଂଖ୍ୟା ମଧ୍ୟ ବଢିବାରେ ଲାଗିଛି ।
2009 ଫେବୃଆରୀ 13 :-
ସଂଧ୍ୟା ପ୍ରାୟ ସାଢେ 7 ଟା । ହାଓ୍ବଡାରୁ ଚେନ୍ନାଇ ଯାଉଥିବା କରମଣ୍ଡଳ ଏକ୍ସପ୍ରେସ ଯାଜପୁର ରୋଡ ଷ୍ଟେସନ ଅତିକ୍ରମ କରିବା ପରେ ଲାଇନଚ୍ୟୁତ ହୋଇଥିଲା । ଏହି ହାଇସ୍ପିଡ ଟ୍ରେନର ମୋଟ 13ବଗି ଲାଇନଚ୍ୟୁତ ହୋଇଥିଲା । ଏହି ପଦଚ୍ଯୁତ ହୋଇଥିବା ବଗିରେ 11 ସ୍ଲିପର ବଗି ଓ 2 ଟି ସାଧାରଣ ବଗି ରହିଥିଲା । ମୋଟ 16 ଜଣ ଯାତ୍ରୀଙ୍କ ପ୍ରାଣହାନୀ ହୋଇଥିଲା । ରାଜ୍ୟ ପୋଲିସ, ଅଗ୍ନିଶମ ଟିମ ଓ ଏସଡିଆରଫ ଟିମ ଉଦ୍ଧାର ଅଭିଯାନରେ ସାମିଲ ହୋଇଥିଲେ । ହେଲେ ଘଟଣାସ୍ଥଳରେ ଓ ଚିକିତ୍ସାଧୀନ ଅବସ୍ଥାରେ ମୋଟ 16 ଜଣ ଯାତ୍ରୀ ପ୍ରାଣ ହରାଇଥିଲେ । 800 ଯାତ୍ରୀ ଆହତ ହୋଇଥିଲେ ।