ନୂଆଦିଲ୍ଲୀ: ଆଜି(ଶନିବାର) ବସିବ କଂଗ୍ରେସ କାର୍ଯ୍ୟକର୍ତ୍ତାଙ୍କ ବୈଠକ । ଅଲ୍ ଇଣ୍ଡିଆ କଂଗ୍ରେସ କମିଟି ମୁଖ୍ୟ କାର୍ଯ୍ୟାଳୟ ଦିଲ୍ଲୀରେ ଦଳୀୟ କର୍ମୀଙ୍କୁ ନେଇ ଏହି ଉଚ୍ଚସ୍ତରୀୟ ବୈଠକ ବସିବ ।
ଏହି ବୈଠକରେ କଂଗ୍ରେସ ଶାସିତ ରାଜ୍ୟଗୁଡ଼ିକର ମୁଖ୍ୟମନ୍ତ୍ରୀଙ୍କ ସହିତ ସିଡବ୍ଲ୍ୟୁସି ସଦସ୍ୟ, ସ୍ଥାୟୀ ନିମନ୍ତ୍ରଣକାରୀ ଏବଂ କମିଟିର ସ୍ୱତନ୍ତ୍ର ନିମନ୍ତ୍ରଣକାରୀ ଯୋଗଦେବେ । ଆସନ୍ତା ବର୍ଷ ଉତ୍ତରପ୍ରଦେଶ ଏବଂ ପଞ୍ଜାବ ସମେତ ପାଞ୍ଚଟି ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନ, ସାଂଗଠନିକ ନିର୍ବାଚନ, ବର୍ତ୍ତମାନର ରାଜନୈତିକ ସ୍ଥିତି, ଦର ବୃଦ୍ଧି, କୃଷକ ଆନ୍ଦୋଳନ, ଲଖିମପୁର ଖେରୀ ହିଂସାକାଣ୍ଡ ଏବଂ ଦେଶର ଆର୍ଥିକ ସ୍ଥିତି ଏଜେଣ୍ଡା ଉପରେ ଆଲୋଚନା ମୁଖ୍ୟ ପ୍ରସଙ୍ଗ ରହିବ ।