ବେଙ୍ଗାଲୁରୁ:ଦଳ ପକ୍ଷରୁ ଜାରି ରହିଥିବା ‘ଭାରତ ଯୋଡୋ ଯାତ୍ରା’ରେ ସାମିଲ ହେଲେ କଂଗ୍ରେସ ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧୀ ( Sonia Gandhi joins bharat jodo yatra)। ସୋନିଆ ଆଜି (ଗୁରୁବାର) କର୍ଣ୍ଣାଟକର ମାଣ୍ଡା ଜିଲ୍ଲାରୁ ଯାତ୍ରାରେ ଅଂଶଗ୍ରହଣ କରିବା ସହ ପଦଯାତ୍ରା ମଧ୍ୟ କରିଛନ୍ତି । ଆରମ୍ଭରୁ ପୁଅ ତଥା ଦଳର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଯାତ୍ରାର ନେତୃତ୍ବ ନେଇ ଆସୁଥିଲା ବେଳେ ଏବେ ସୋନିଆ ଦଳୀୟ ହାଇକମାଣ୍ଡ ନିର୍ବାଚନ ପାଇଁ ଦିଲ୍ଲୀରେ ବ୍ୟସ୍ତ ଥିଲେ । ତେବେ ଯାତ୍ରା ପ୍ରାୟ ଏକ ମାସରେ ପହଞ୍ଚିବାକୁ ଯାଉଥିବା ବେଳେ ସେ ଏଥିରେ ପ୍ରତ୍ୟେକ୍ଷ ଭାବେ ସେ ସାମିଲ ହୋଇଛନ୍ତି ।
ଆଜି ମାଣ୍ଡ୍ୟାରୁ ସୋନିଆ ପଦଯାତ୍ରାରେ ସାମିଲ ହୋଇଛନ୍ତି । ସୋନିଆଙ୍କ ସହ ରାହୁଲ ଗାନ୍ଧୀ, ଦଳର ବହୁ କେନ୍ଦ୍ରୀୟ ନେତାଙ୍କ ସହ କର୍ଣ୍ଣାଟକ ପ୍ରଦେଶ କଂଗ୍ରେସ କାର୍ଯ୍ୟକର୍ତ୍ତା ମଧ୍ୟ ସାମିଲ ଅଛନ୍ତି । କନ୍ୟାକୁମାରୀରୁ ଆରମ୍ଭ ହୋଇଥିବା ଯାତ୍ରା ପ୍ରାୟ ଏକ ମାସର ନିକଟବର୍ତ୍ତୀ ହୋଇଛି । ତାମିଲନାଡୁ ଓ କେରଳ ପରିକ୍ରମା ଶେଷ କରିବା ପରେ ତୃତୀୟ ରାଜ୍ୟ ଭାବେ କର୍ଣ୍ଣାଟକରେ ପରିକ୍ରମା ଜାରି ରଖିଛି ଦଳ (Sonia Gandhi joins bharat jodo yatra)।