ଲକ୍ଷ୍ନୌ:ଆଜି କେରଳ ଗସ୍ତରେ ଯିବେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଭାରତୀୟ ଜନତା ପାର୍ଟିର ପ୍ରମୁଖ ନେତାମାନଙ୍କ ମଧ୍ୟରେ ଥିବା ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଦଳକୁ ମଜବୁତ କରିବା ପାଇଁ ପୁଣି ଥରେ କେରଳ ଗସ୍ତରେ ଯିବେ । ଦଳର ଲୋକପ୍ରିୟ ନେତାମାନଙ୍କ ମଧ୍ୟରୁ ଯୋଗୀ ଆଦିତ୍ୟନାଥ ଅନ୍ୟତମ।
ଆଜି ଦିନ 12ଟା20ରୁ ରାତି 11ଟା ପର୍ଯ୍ୟନ୍ତ କେରଳ ଭ୍ରମଣରେ ରହିବେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଏହି ଗସ୍ତରେ ତାଙ୍କର ଅନେକ କାର୍ଯ୍ୟକ୍ରମ ରହିଛି । କେରଳ ଗସ୍ତ କରିବା ପୂର୍ବରୁ ଯୋଗୀ ଆଦିତ୍ୟନାଥ ତାଙ୍କ ସରକାରୀ କାର୍ଯ୍ୟଳୟରେ ଜେଇ ଟୀକାକରଣର ଶୁଭାରମ୍ଭ କରିବେ । ଏହା ପରେ ଜଳସେଚନ ବିଭାଗର ବିଭିନ୍ନ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ । ଏହା ପରେ ସେ କେରଳ ଗସ୍ତ କରିବେ ।