ତୃତୀୟ ଥର କମ୍ୟୁନିଷ୍ଟ ପାର୍ଟିର ମହାସଚିବ ନିର୍ବାଚିତ ହେଲେ ସି ଜିନପିଙ୍ଗ୍

ଚୀନ ରାଷ୍ଟ୍ରପତି ସି ଜିନପିଙ୍ଗ କମ୍ୟୁନିଷ୍ଟ ପାର୍ଟିର ମହାସଚିବ ଭାବେ ପୁନଃ ନିର୍ବାଚିତ ହୋଇଛନ୍ତି । ପାର୍ଟିର ସଂସ୍ଥାପକ ମାଓ ଜେଡୋଙ୍ଗଙ୍କ ପରେ ଦ୍ବିତୀୟ ନେତା । ଅଧିକ ପଢନ୍ତୁ

ବେଜିଂ:ଚୀନ ରାଷ୍ଟ୍ରପତି ସି.ଜିନପିଙ୍ଗ କମ୍ୟୁନିଷ୍ଟ ପାର୍ଟିର ମହାସଚିବ ଭାବେ ପୁନଃ ନିର୍ବାଚିତ ହୋଇଛନ୍ତି (Xi Jinping re-elected as General Secretary of Communist Party)। ତୃତୀୟ ଥର ପାଇଁ ଜିନପିଙ୍ଗ ମହାସଚିବ ଭାବେ ନିର୍ବାଚିତ ହୋଇଛନ୍ତି । ଆଗାମୀ ୫ ବର୍ଷ ଯାଏଁ ସେ ଏହି ପଦବୀରେ ରହିବେ । ଚୀନର ସବୁଠୁ ବଡ ନେତା ତଥା କମ୍ୟୁନିଷ୍ଟ ପାର୍ଟିର ସଂସ୍ଥାପକ ମାଓ ଜେଡୋଙ୍ଗ (Mao Zedong)ଙ୍କ ପରେ ୬୯ ବର୍ଷୀୟ ରାଷ୍ଟ୍ରପତି ଜିନପିଙ୍ଗ ତୃତୀୟ ଥର ନିର୍ବାଚିତ ହୋଇଥିବା ଦ୍ବିତୀୟ କ୍ଷମତାଶାଳୀ ନେତା ହୋଇଛନ୍ତି ।

ସି ଜିନପିଙ୍ଗ ଔପଚାରିକ ଅବସର ଗ୍ରହଣ କରିବା ବୟସ ୬୮ ଅତିକ୍ରମ କରିବା ସହ ୧୦ ବର୍ଷ କାର୍ଯ୍ୟକାଳ ପୂରଣ କରିଥିଲେ ହେଁ ଦିନକ ପୂର୍ବରୁ ଶକ୍ତିଶାଳୀ ସେଣ୍ଟ୍ରାଲ କମିଟିକୁ ନିର୍ବାଚିତ ହୋଇଥିଲେ । ଦେଶକୁ ଶାସନ କରିବା ପାଇଁ ଷ୍ଟାଣ୍ଡିଂ କମିଟି ସଦସ୍ୟ (Central Committee members) ଚୟନ କରୁଥିବା ୨୫ ଜଣ ସଦସ୍ୟ ବିଶିଷ୍ଟ ପଲିଟିକାଲ ବ୍ୟୁରୋକୁ ମଧ୍ୟ ସେଣ୍ଟ୍ରାଲ କମିଟିର ସଦସ୍ୟମାନେ ନିର୍ବାଚିତ କରିଥିଲେ ।

ପ୍ରକାଶଥାଉ କି, ଚୀନ କମ୍ୟୁନିଷ୍ଟ ପାର୍ଟି (ସିପିସି)ର ୨୦ତମ ଅଧିବେଶନ ଶନିବାର ଶେଷ ହୋଇଛି । ବେଜିଂର ଗ୍ରେଟ ହଲ୍ ଅଫ ଦ ପିପୁଲରେ ଏହି ବୈଠକ ଚାଲିଥିଲା । ବୈଠକ ପରେ ଜିନପିଙ୍ଗ ଲୋକଙ୍କୁ କହିଥିଲେ ଯେ, ସେ ସଂଘର୍ଷ ସହିତ ଜିତିବାକୁ ସାହସ ରଖନ୍ତୁ । ନିଜ ସମସ୍ୟାକୁ ଦୂରରେ ରଖି ପରିଶ୍ରମ କରନ୍ତୁ ଏବଂ ଆଗକୁ ବଢନ୍ତୁ । ଆଜି ଜିନପିଙ୍ଗ ଦଳର ଜେନେରାଲ ସେକ୍ରେଟାରୀ ଭାବେ ନିର୍ବାଚିତ ହୋଇଛନ୍ତି । ପୂର୍ବରୁ ଦୁଇଥର ଚୀନର ରାଷ୍ଟ୍ରପତି ହେବା ନିୟମ ରହିଥିଲା । କିନ୍ତୁ ୨୦୧୮ ରେ ଜିନପିଙ୍ଗ ଏଥିରେ ସଂଶୋଧନ ଆଣି ଏହି ନିୟମକୁ ଉଠାଇ ଦେଇଥିଲେ ।

ବ୍ୟୁରୋ ରିପୋର୍ଟ, ଇଟିଭି ଭାରତ