chartered aircraft crashed in Rajasthan ଜୟପୁର: ରାଜସ୍ଥାନରେ ବିମାନ ଦୁର୍ଘଟଣା । ଭରତପୁରରେ ବାୟୁସେନାର ମିଗ ବିମାନ ଦୁର୍ଘଟଣାଗ୍ରସ୍ତ ହୋଇଥିବା ସୂଚନା ମିଳିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । କେହି ମୃତାହତ ହୋଇଛନ୍ତି ନା ନାହିଁ ସେନେଇ ସୂଚନା ହସ୍ତଗତ ହୋନାହିଁ । ପ୍ରଥମେ ଏକ ଚାଟାର୍ଡ ବିମାନ ଦୁର୍ଘଟଣାଗ୍ରସ୍ତ ହୋଇଥିବା ଭରତପୁର ଜିଲ୍ଲାପାଳ ସୂଚନା ଦେଇଥିଲେ । ପରେ ଏହା ବାୟୁସେନାର ମିଗ ବିମାନ ବୋଲି ପ୍ରତିରକ୍ଷା ମନ୍ତ୍ରଣାଳୟ ସୂତ୍ରରୁ ଜଣାପଡିଛି । ଏନେଇ ଅଧିକ ସୂଚନାକୁ ଅପେକ୍ଷା କରାଯାଇଛି ।
chartered aircraft crashed in Rajasthan ମିଳିଥିବା ସୂଚନା ଅନୁଯାଯୀ, ଭାରତୀୟ ବାୟୁ ସେନାର ମିଗ ବିମାନ ଆଜି ସକାଳ ସମୟରେ ଉଚେନ ଅଞ୍ଚଳରେ ଦୁର୍ଘଟଣାର ଶିକାର ହୋଇଥିଲା । ଏନେଇ ସୂଚନା ପାଇବା ପରେ ଘଟଣାସ୍ଥଳରେ ସ୍ଥାନୀୟ ପୋଲିସ ଓ ବାୟୁସେନାର ଅଧିକାରୀମାନେ ପହଞ୍ଚିଛନ୍ତି । ଏହି ବିମାନଟି ଉତ୍ତରପ୍ରଦେଶର ଆଗ୍ରା ବାୟୁସେନା ଷ୍ଟେସନରୁ ଉଡାଣ ଆରମ୍ଭ କରିଥିବା ଅନୁମାନ କରାଯାଉଛି ।
ତେବେ କେଉଁ କାରଣରୁ ବିମାନଟି ଦୁର୍ଘଟଣାର ଶିକାର ହେଲା ତାହା ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇପାରି ନାହିଁ । ବିମାନ ଦୁର୍ଘଟଣା ସମ୍ପର୍କରେ ସୂଚନା ମିଳିଥିବା କହିଛନ୍ତି ପ୍ରତିରକ୍ଷା ପିଆରଓ କର୍ଣ୍ଣଲ ଅମିତାଭ ଶର୍ମା କହିଛନ୍ତି । ବିମାନରେ ଥିବା ପାଇଲଟଙ୍କୁ ଚିହ୍ନଟ କରିବା ପାଇଁ ପ୍ରୟାସ ଆରମ୍ଭ ହୋଇଛି ।
ଦୁର୍ଘଟଣା ସମ୍ପର୍କରେ ଜଣେ ସ୍ଥାନୀୟ ଲୋକ କହିଛନ୍ତି ଯେ, ସକାଳ ୧୦ଟା ୩୦ ସମୟରେ ଉଡ଼ୁଥିବା ଏକ ଯୁଦ୍ଧ ବିମାନ ହଠାତ କ୍ଷେତରେ ଖସି ପଡ଼ିଥିଲା । ବିମାନ ଦୁର୍ଘଟଣାର ଶବ୍ଦରେ ପୁରା ଗାଁ କମ୍ପି ଉଠିଥିଲା। ଫଳରେ ଗ୍ରାମର ଶତାଧିକ ଲୋକ ଘଟଣାସ୍ଥଳକୁ ଯାଇଥିଲେ । ଦୁର୍ଘଟଣା ପରେ ବିମାନର ଅଂଶ ଗୁଡିକ ଖଣ୍ଡଖଣ୍ଡ ହୋଇ ପଡିଥିବା ଦେଖିବାକୁ ମିଳିଥିଲା । ତେବେ ଦୁର୍ଘଟଣାରେ ବିମାନରେ ଥିବା ପାଇଲଟଙ୍କ ବର୍ତ୍ତମାନ ସୁଦ୍ଧା କୌଣସି ପତ୍ତା ମିଳିପାରି ନାହିଁ ।
ଏନେଇ ଜଣେ ପୋଲିସ ଅଧିକାରୀ କହିଛନ୍ତି ଯେ, "ସକାଳ ୧୦ଟା ୧୫ ମିନିଟ ସମୟରେ ବିମାନ ଦୁର୍ଘଟଣା ଖବର ସାମ୍ନାକୁ ଆସିଥିଲା । ବିମାନଟି ଉଚ୍ଛେନ ଅଞ୍ଚଳର ଏକ ଖୋଲା ପଡିଆରେ ଖସିପଡିଥିଲା । ପ୍ରଥମେ ଏହା କେଉଁ ବିମାନ ତାହା ସ୍ପଷ୍ଟ ହୋଇପାରିନଥିଲା । ପରମୁହୂର୍ତ୍ତରେ ଏହା ବାୟୁସେନାର ଯୁଦ୍ଧ ବିମାନ ବୋଲି ଜଣାପଡିଥିଲା । ବିମାନରେ ଥିବା ପାଇଲଙ୍କ ପତ୍ତା ମିଳିପାରି ନାହିଁ ।"
