ଜୟପୁର:ରାଜସ୍ଥାନର ଯୋଧପୁର ସହରରେ ଛାତିଥରା ଦୁର୍ଘଟଣା । ଭିଡରାସ୍ତାରେ ଲୋକଙ୍କ ଉପରେ ମାଡିଗଲା ଦ୍ରୁତଗତିରେ ଆସୁଥିବା ଏକ ଅନିୟନ୍ତ୍ରିତ ଅଡି କାର । ଯାହାର ଲୋମଟାଙ୍କୁରା ଦୃଶ୍ୟ CCTVରେ ରେକର୍ଡ ହୋଇଛି । ଯାହାକୁ ଦେଖିଲେ ଯେ କେହି ବି ବିଚଳିତ ହୋଇପାରେ । ଏହି ଦୁର୍ଘଟଣାରେ ଜଣେ 16 ବର୍ଷୀୟ ନାବାଳକଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିବାବେଳେ 9 ଜଣ ଆହତ ହୋଇଛନ୍ତି । ଆହତଙ୍କ ମଧ୍ୟରେ ୪ ଜଣଙ୍କ ଅବସ୍ଥା ଗମ୍ଭୀର ଥିବା ସୂଚନା ରହିଛି ।
ଲୋକଙ୍କ ଉପରେ ମାଡିଗଲା ଅନିୟନ୍ତ୍ରିତ କାର, CCTVରେ କଏଦ ହେଲା ଛାତିଥରା ଦୃଶ୍ୟ
ସମ୍ପୂର୍ଣ୍ଣ ଘଟଣାକ୍ରମ ଅନୁସାରେ, ଆଜି (ମଙ୍ଗଳବାର) ସକାଳେ ଯୋଧପୁର ହାଉସିଂ ବୋର୍ଡ ପୋଲିସ ଷ୍ଟେସନ ପରିସରରେ ଥିବା AIIMS ରୋଡରେ ଏକ ଅଡି କାର ଦ୍ରୁତଗତିରେ ଅନିୟନ୍ତ୍ରିତ ଲୋକଙ୍କ ଉପରେ ମାଡି ଯାଇଥିଲା । ତେବେ ଗାଡିଟି ନିୟନ୍ତ୍ରଣ ହରାଇ ଏପରି ଦୁର୍ଘଟଣା ଘଟିଥିବା ଆଶଙ୍କା କରାଯାଉଛି । ଲୋକଙ୍କ ଉପରେ ମାଡିଯିବା ପରେ ନିକଟରେ ଏକ ପାଚେରୀରେ ଧକ୍କା ଖାଇ ଗାଡିିଟି ଅଟକି ଯାଇଥିଲା ।