ମୁମ୍ବାଇ: ମହାରାଷ୍ଟ୍ରରେ ଅଭାବନୀୟ ଘଟଣା । ନିର୍ମାଣଧିନ ଏକ କୋଠା ଭୁଶୁଡି ପଡିବାରୁ ୫ଜଣଙ୍କର ମୃତ୍ୟୁ ହୋଇଛି (Building collapses in Pune) । ଗତକାଲି ବିଳମ୍ବିତ ରାତିରେ ପୁଣେ ୟେରୱାଡାର ଶାସ୍ତ୍ରୀନଗରରେ ଏହି ଅଘଟଣ ଘଟିଥିବା ସୂଚନା ମିଳିଛି । ଉକ୍ତ ସ୍ଥାନରେ ଏକ ନୂତନ କୋଠାରେ କାମ ଚାଲିଥିବା ବେଳେ ତଳ ମହଲା ଭୁଶୁଡ଼ି ପଡ଼ିବାରୁ ଶ୍ରମିକମାନେ କୋଠା ତଳେ ଚାପି ହୋଇ ରହିଯାଇଥିଲେ । ଫଳରେ ୫ଜଣଙ୍କର ମୃତ୍ୟୁ ହେବା ସହ ଅନେକ ମଧ୍ୟ ଆହତ ହୋଇଛନ୍ତି । ଏନେଇ ଖବର ପାଇଁ ଘଟଣାସ୍ଥଳରେ ଅଗ୍ନିଶମ କର୍ମଚାରୀ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ ।
ଏନେଇ ଅଗ୍ନିଶମ ମୁଖ୍ୟ ସୂଚନା ଦେଇ କହିଛନ୍ତି ଯେ, ଭୁଶୁଡିଥିବା କୋଠାରେ ୧୦ଜଣ ଶ୍ରମିକ କାମ କରୁଥିଲେ, କିନ୍ତୁ କାମ କରିବ ସମୟରେ ଶ୍ରମିକଙ୍କୁ ସୁରକ୍ଷାକୁ ନେଇ କୌଣସି ବ୍ୟବସ୍ଥା କରାଯାଇନଥିଲା । ଫଳରେ କୋଠାଟି ଭୁଶୁଡିବାରୁ ୫ଶ୍ରମିକଙ୍କ ମୃତ୍ୟୁ ହୋଇଥିବା ଓ ୫ଜଣ ଆହତ ହୋଇଥିଲେ ।