ଅମରାବତୀ:ବିବାହ କରିବାକୁ ଇଚ୍ଛା ନଥିବାକୁ ଭାବି ସ୍ବାମୀର ଜୀବନ ନେବାକୁ ପଛାଇଲେ ନାହିଁ ଯୁବତୀ । ଲୁଚକାଳି ଖେଳ ଖେଳିବା ବାହାନାରେ ଭାବି ସ୍ବାମୀଙ୍କ ଗଳା କାଟି ଦେଲେ ଯୁବତୀ । ଏଭଳି ଘଟଣା ଘଟିଛି ଆନ୍ଧ୍ରପ୍ରଦେଶର ଆନାକାପଲ୍ଲୀ ଜିଲ୍ଲାର କୋମଲାପୁଡି ଗାଁରେ । ଗୁରୁତର ଅବସ୍ଥାରେ ଆକ୍ରମଣର ଶିକାର ଯୁବକଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନା ଅନୁଯାୟୀ ପେଡେରୁର ବାସିନ୍ଦା ରାମୁ ନାଇଡୁ ଆଲୁରୀ ହାଇଦ୍ରାବାଦର ଏକ ଘରୋଇ ସଂସ୍ଥାରେ କାର୍ଯ୍ୟ କରନ୍ତି । ତାଙ୍କ ପିତା ମାତା କୋମଲାପୁଡି ଗାଁରେ ପୁଷ୍ପା ନାମକ ଜଣେ ଯୁବତୀଙ୍କ ସହ ବିବାହ ସ୍ଥିର କରିଥିଲେ । ତେବେ ଆସନ୍ତା ୨୦ ତାରିଖରେ ବିବାହ ହେବାକୁ ଥିବାବେଳେ ଗତକାଲି ପୁଷ୍ପା ସପିଂ କରିବା ପାଇଁ ରାମୁ ନାଇଡୁଙ୍କୁ ଗାଁକୁ ଡାକିଥିଲେ । ସପିଂ କରିସାରିବା ପରେ କୋମାଲପୁଡିର ଏକ ପାହାଡକୁ ବୁଲିବାକୁ ଯାଇ ପୁଷ୍ପା ଲୁଚକାଳି ଖେଳିବାକୁ କହିଥିଲେ ।