କେରଳରେ RSS କାର୍ଯ୍ୟାଳୟକୁ ବୋମାମାଡ, କ୍ଷୟକ୍ଷତିର ନାହିଁ ସୂଚନା

କେରଳରେ RSS କାର୍ଯ୍ୟାଳୟ ଉପରେ ବୋମାମାଡ । କେହି ମୃତାହତ ହୋଇନଥିବା ସୂଚନା । ତଦନ୍ତ ଜାରି ରଖିଛି ପୋଲିସ । ଅଧିକ ପଢନ୍ତୁ

ଥିରୁଅନନ୍ତପୁରମ:କେରଳର RSS ଅଫିସକୁ ବୋମାମାଡ । କନ୍ନୁର ଜିଲ୍ଲାର ପୟାନୁରରେ ଥିବା ସଂଘ କାର୍ଯ୍ୟାଳୟକୁ ବୋମାମାଡ କରିଛନ୍ତି ଦୁର୍ବୃତ୍ତ । ଏଥିରେ କେହି କର୍ମକର୍ତ୍ତା ମୃତାହତ ହୋଇନଥିବା ସୂଚନା ମିଳିଛି । ଗତକାଲି ପ୍ରାୟ ମଧ୍ୟରାତ୍ରିରେ ଏହି ଆକ୍ରମଣକୁ ରୂପ ଦେଇଛନ୍ତି ଦୁର୍ବୃତ୍ତ ।

CPM-DYFI କର୍ମକର୍ତ୍ତା ଧନରାଜଙ୍କ ପ୍ରଥମ ଶ୍ରାଦ୍ଧବାର୍ଷିକୀରେ ଏହି ଆକ୍ରମଣ କରାଯାଇଛି । ତେଣୁ ଏହାକୁ CPM ସମର୍ଥକମାନେ କରିଥାଇପାରନ୍ତି ବୋଲି ମଧ୍ୟ ସନ୍ଦେହ କରାଯାଉଛି । ପୋଲିସ ଘଟଣାର ତଦନ୍ତ ଆରମ୍ଭ କରିଛି । ଗତବର୍ଷ ଜୁଲାଇ 11 ତାରିଖରେ ବାମଦଳ କର୍ମକର୍ତ୍ତା ଧନରାଜଙ୍କ ହତ୍ୟା ହୋଇଥିଲା । ଏହି ହତ୍ୟାକାଣ୍ଡ ପଛରେ ବିଜେପି ଓ ସଂଘର ସଦସ୍ୟଙ୍କ ହାତ ଥିବା ମଧ୍ୟ ଅଭିଯୋଗ ହୋଇଥିଲା ।

ବ୍ୟୁରୋ ରିପୋର୍ଟ, ଇଟିଭି ଭାରତ