ମୁମ୍ବାଇ: ମହାରାଷ୍ଟ୍ରରେ ଜାରି ରହିଛି ରାଜନୈତିକ ହଟ୍ଟଚମଟ୍ଟ । ବିଦ୍ରୋହୀ ନେତା ଏକନାଥ ସିନ୍ଧେ ଏନସିପି ଓ କଂଗ୍ରେସ ସହ ମେଣ୍ଟ ଭାଙ୍ଗି ବିଜେପି ସହିତ ଶିବ ସେନା ହାତ ମିଳାଇବାକୁ ଦାବି କରିଥିବାବେଳେ, ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଇସ୍ତଫା ଦେବା ପାଇଁ ପ୍ରସ୍ତୁତ ହୋଇଛନ୍ତି । ଏଥିପାଇଁ ଗତକାଲି ସରକାରୀ ବାସଭବନ ଛାଡିଛନ୍ତି ଉଦ୍ଧବ ଠାକରେ । ଶିବସେନାର ୪୦ରୁ ଅଧିକ ବିଧାୟକ ଏକନାଥ ସିନ୍ଧେଙ୍କ ସହ ରହିଛନ୍ତି ।
ପ୍ରଥମେ ସୁରତ ଓ ପରେ ଗୌହାଟୀରେ ଡେରାପକାଇଛନ୍ତି । ଯାହା ଫଳରେ ମହାରାଷ୍ଟ୍ରରେ ମେଣ୍ଟ ସରକାରର ପତ୍ତନ ହେବା ସମ୍ଭାବନା ବୃଦ୍ଧିପାଇଛି । ଏହାରି ମଧ୍ୟରେ ବିଜେପିର ବୟାନ ସାମ୍ମାକୁ ଆସିଛି । ଭାରତୀୟ ଜନତା ପାର୍ଟିର ନେତା ତଥା କେନ୍ଦ୍ର ମନ୍ତ୍ରୀ ରାଓସାହେବ ପାଟିଲ ଦାନଭେ ବୁଧବାର କହିଛନ୍ତି ଯେ, ''ମହାରାଷ୍ଟ୍ରରେ ରାଜନୈତିକ ସଙ୍କଟ ଶିବସେନାର ଆଭ୍ୟନ୍ତରୀଣ ପ୍ରସଙ୍ଗ । ରାଜ୍ୟରେ ସରକାର ଗଠନ ପାଇଁ ବିଜେପି ଦାବି କରିନାହିଁ ।