ଭୋପାଳ: ନିଜର ବିବାଦୀୟ ବୟାନ ପାଇଁ ସର୍ବଦା ଚର୍ଚ୍ଚାରେ ରହିଥାନ୍ତି BJP ନେତା ତଥା ରାଷ୍ଟ୍ରୀୟ ସାଧାରଣ ସମ୍ପାଦକ କୈଳାସ ବିଜୟବର୍ଗୀୟ । କେନ୍ଦ୍ର ସରକାରଙ୍କ ଅଗ୍ନିପଥ ଯୋଜନକୁ ନେଇ ସାରା ଦେଶରେ ଆକ୍ରୋଶର ନିଆଁ ଜଳୁଥିବାବେଳେ, ସେଥିରେ ଘିଅ ଢାଳିଛନ୍ତି ବିଜେପି ନେତା କୈଳାସ ବିଜୟବର୍ଗୀୟ (kailash vijayvargiya on Agneepath Scheme) । ସେ ଭାଜପା ଦଳୀୟ କାର୍ଯ୍ୟାଳୟରେ ସିକ୍ୟୁରିଟି ଗାର୍ଡ ରଖିବାକୁ ଚାହିଁଲେ ଅଗ୍ନିବୀରଙ୍କୁ ପ୍ରାଥମିକତା ଦେବେ । ଏହି ବୟାନ ପରେ ବିଭିନ୍ନ ମହଲରୁ ବିଜୟବର୍ଗୀୟଙ୍କୁ ସମାଲୋଚନା କରାଯାଇଛି ।
ଏ ନେଇ ଟ୍ବିଟ କରି ବରୁଣ ଗାନ୍ଧୀ କଡା ସମାଲୋଚନା କରିଛନ୍ତି । କହିଛନ୍ତି, ''ଯେଉଁ ମହାନ ସେନା ବୀରଙ୍କ ଗାଥା କହିବାକୁ ଶଦ୍ଦକୋଶ ଅସମର୍ଥ, ଯାହାଙ୍କ ପରାକ୍ରମର ଗାଥା ସମଗ୍ର ବିଶ୍ବରେ ଗୁଞ୍ଜରିତ ହୁଏ, ସେହି ଭାରତୀୟ ସେନାଙ୍କୁ ରାଜନୈତିକ କାର୍ଯ୍ୟାଳୟରେ ଚୌକିଦାର କରିବାକୁ ଯୋଜନା କରୁଛି । ଭାରତୀୟ ସେନା ମାଆ ଭାରତୀଙ୍କ ସେବାର ମାଧମ ଏହା କେବଳ ଏକ ଚାକିରି ନୁହେଁ ବୋଲି କହିଛନ୍ତି ବରୁଣ ଗାନ୍ଧୀ ।