ପାଟନା: ଶିକ୍ଷକ ଆଶାୟୀ ପ୍ରାର୍ଥୀଙ୍କ ଆନ୍ଦୋଳନ ବେଳେ ଜଣେ ଜିଲ୍ଲା ଅତିରିକ୍ତ ମାଜିଷ୍ଟ୍ରେଟଙ୍କ ବର୍ବରତା ସାମ୍ନାକୁ ଆସିଛି । ଜଣେ ଆନ୍ଦୋଳନକାରୀ ଆଶାୟୀ ଶିକ୍ଷକ ପ୍ରାର୍ଥୀଙ୍କୁ ପିଟି ପିଟି ଲହୁଲୁହାଣ କରିଛନ୍ତି ଅତିରିକ୍ତ ଜିଲ୍ଲା ମାଜଷ୍ଟ୍ରେଟ (Bihar ADM thrashes teacher aspirant)। ପ୍ରତିବାଦକାରୀଙ୍କ ହାତରେ ତ୍ରିରଙ୍ଗା ଥିଲେ ମଧ୍ୟ, ତାକୁ ମଧ୍ୟ ଅସମ୍ନାନ କରିଛନ୍ତି (disrespects tricolour By ADM) । ମାଡରେ ଉକ୍ତ ଯୁବକଙ୍କ କାନ ଓ ମୁଣ୍ଡ ଫାଟି ରକ୍ତବାହାରିଥିବା ଦେଖିବାକୁ ମିଳିଛି । ନିଜେ ADM ପୋଲିସ ଫୋର୍ସ ସହ ହାତରେ ବାଡି ଧରି ଉକ୍ତ ପ୍ରତିବାଦକାରୀ ଯୁବକଙ୍କୁ ପ୍ରବଳ ପିଟୁଥିବାର ଭିଡିଓ ଏବେ ଭାଇରାଲ ହେବାରେ ଲାଗିଛି । ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବିହାର ରାଜଧାନୀ ପାଟନାରେ ।
ସୂଚନା ଅନୁସାରେ, ପାଟନାରେ CTET ଏବଂ BTET ପାସ କରିଥିବା ଶତାଧିକ ଶିକ୍ଷକ ଆଶାୟୀ ପ୍ରାର୍ଥୀ ଚାକିରି ଦାବି କରି ରାଜରାସ୍ତାରେ ପ୍ରତିବାଦ କରିଥିଲା । ସ୍ଥାନୀୟ ପ୍ରଶାସନିକ ଅଧିକାରୀ ପୋଲିସ ଫୋର୍ସ ଧରି ଘଟଣାସ୍ଥଳରେ ପହଞ୍ଚିଥିଲେ । ଆଶାୟୀ ପ୍ରାର୍ଥୀଙ୍କୁ ଆନ୍ଦୋଳନ ପାଇଁ ବାରଣ ମଧ୍ୟ କରିଥିଲେ । ଏହି ସମୟରେ ପୋଲିସ ଲାଠିଚାର୍ଜ କରିଥିଲା । ଭିଡିଓରେ ଦେଖିବାକୁ ମିଳିଥିବା ଏହି ଯୁବକ ହାତରେ ଏକ ତ୍ରିରଙ୍ଗା ପତାକା ଧରି ନାରାବାଜୀ କରୁଥିଲେ । ପୋଲିସ ଫୋର୍ସ ସହ ନିଜେ ADM ହାତରେ ବାଡି ଧରି ଉକ୍ତ ଯୁବକଙ୍କୁ ନିର୍ଧୁମ ମାଡ ମାରିଥିବା ଦେଖିବାକୁ ମିଳିଥିଲା (Bihar ADM thrashes teacher aspirant Bihar ADM thrashes teacher aspirant during protest)। ମାଡ ମାରିଥିବା ଅଧିକାରୀ ADM କେ.କେ ସିଂ ବୋଲି ଜଣାପଡିଛି ।