Historic Result: ଭାଙ୍ଗିଲା ରେକର୍ଡ, ବ୍ରାଣ୍ଡ ମୋଦି ଆଗରେ ସବୁ ଚ୍ୟାଲେଞ୍ଜ ଫୁସ୍

ଗୁଜୁରାଟ ନିର୍ବାଚନର ଦ୍ବିତୀୟ ପର୍ଯ୍ୟାୟ ମତଦାନର ଗୋଟିଏ ଦିନ ପୂର୍ବରୁ ପ୍ରଧାନମନ୍ତ୍ରୀଙ୍କ ୫୦ କିମି ରୋଡ ଶୋ ଆୟୋଜିତ ହୋଇଥିଲା (Pm Modi Holds 50 km long mega Roadshow in Ahmedabad) । ଯାହାର ସିଧା ସଳଖ ପ୍ରଭାବ ଅହମ୍ମଦାବାଦ ସହ ଆଖପାଖ ଜିଲ୍ଲାରେ ପଡିଥିଲା । ଆଉ ନିର୍ବାଚନୀ ଫାଇଦା ସିଧା ବିଜେପି ସପକ୍ଷରେ ଯାଇଥିଲା ।

ଗାନ୍ଧୀନଗର: ବର୍ଷ ଆରମ୍ଭ ହେଉ ହେଉ ଗୁଜୁରାଟ ବିଧାନସଭା ନିର୍ବାଚନ(Gujurat Assembly elections) ପୁରା ଦେଶର ରାଜନୀତିକୁ ସରଗରମ କରିଦେଇଥିଲା । ବର୍ଷର ପ୍ରଥମ ପାଖାପାଖି ୮ ରୁ ୧୦ ମାସ ଗୁଜୁରାଟ ନିର୍ବାଚନକୁ ନେଇ କ୍ଷମତାସୀନ ବିଜେପିର ଚାପ ବଢିବାରେ ଲାଗିଥିଲା । ରାଜନୈତିକ ମାହୋଲ, ପରିବେଶ ଓ ଚର୍ଚ୍ଚା ସମୀକରଣ ଆଦି ବିଜେପି (Bharatiya Janata Party ) ସପକ୍ଷରେ ନଥିଲା । ୨୭ ବର୍ଷର କ୍ଷମତାସୀନ ବିଜେପି ପାଇଁ ଏହା ବଡ ଆହ୍ବାନ ଥିଲା । ମୋଦି-ଶାହଙ୍କ ଗୃହରାଜ୍ୟରେ ବିଜେପିର ପ୍ରଦର୍ଶନ କଣ ହେବା ତାହା ସାରା ଦେଶର ନଜର ଥିଲା । ବିଜେପିର ଏହି ଆଶା ଆଶଙ୍କାରେ ନକଲି ମଦ ମୃତ୍ୟୁ, ମୋରବୀ ଦୁର୍ଘଟଣା ଆହୁରି ବଳ ଯୋଗାଇଥିଲା । ପୁଣି ଟିକେଟ ବଣ୍ଟନ ପରେ ବିଦ୍ରୋହୀ ପ୍ରାର୍ଥୀଙ୍କୁ ନେଇ ଦଳୀୟ ନେତୃତ୍ବ ଆହୁରି ସଂକଟରେ ଫସିଗଲା । ହେଲେ ମୋଦି-ଶାହଙ୍କ ଯୋଡି ଆଗରେ କୌଣସି ମାହୋଲ କାମ ଦେଲା ନାହିଁ । ସରକାରୀକୁ ବିରୋଧୀ ଝଡ ମାଡ ହେବା ତ ଦୂରର କଥା, ଝଡ ସୃଷ୍ଟିହେବାକୁ ବି ବଳ କି ସୁଯୋଗ ପାଇଲା ନାହିଁ । ୨୭ ବର୍ଷ ସରକାରୀ ବିରୋଧୀ ମାହୋଲ ବଦଳରେ ୨୭ ବର୍ଷ ବିକାଶ ଭାରିପଡିଲା । ‘ବ୍ରାଣ୍ଡ ମୋଦି’ ଆଗରେ ବିଜେପି ବିରୋଧୀ ଶକ୍ତି ପୁରା ସଫା ହୋଇଗଲା ।

‘ବ୍ରାଣ୍ଡ ମୋଦି’ ଚମକ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (Prime Minister Narendra Modi) ହେଉଛନ୍ତି ଗୁଜୁରାଟୀଙ୍କ (Gujurat people) ସ୍ବାଭିମାନ । ମୋଦିଙ୍କୁ ନେଇ ପ୍ରତ୍ୟେକ ଗୁଜୁରାଟୀ ଗର୍ବ କରିଥାନ୍ତି । ମୋଦିଙ୍କ ବିରୋଧରେ କଂଗ୍ରେସର ତମାମ ଅପପ୍ରଚାର ଅପଶବ୍ଦ ପ୍ରୟୋଗକୁ ଗୁଜୁରାଟୀ ଗ୍ରହଣ କରିନାହଁନ୍ତି । ନିଜ ଭୂମିପୂତ୍ର (Bhumiputra) ଙ୍କ ଅପମାନ ଗୁଜୁରାଟୀ ଗ୍ରହଣ କରିବା ସ୍ଥିତିରେ ନଥିଲେ । ଯାହାର ଜବାବ ଭୋଟରେ ଦେଇଛନ୍ତି ଭୋଟର । ରାଜ୍ୟରେ ପଞ୍ଚାୟତ ଠାରୁ ପାର୍ଲାମେଣ୍ଟ ପର୍ଯ୍ୟନ୍ତ ପ୍ରତ୍ୟେକ ନିର୍ବାଚନରେ ବ୍ରାଣ୍ଡ ମୋଦି ବିରୋଧୀଙ୍କ ଉପରେ ଭାରି ପଡୁଛି । ଏହାର ଅର୍ଥ କୌଣସି ସ୍ଥିତିରେ ମଧ୍ୟ ନିଜ ଭୂମିପୁତ୍ର ନିଜ ସ୍ବାଭିମାନ ଦେଶର ପ୍ରଧାନମନ୍ତ୍ରୀ ମୋଦିଙ୍କ ହାତ ଛାଡିବେ ନାହିଁ ଗୁଜୁରାଟୀ ।

ମୋଦିଙ୍କ ହାଇଟେକ ପ୍ରଚାର

ଗୁଜୁରାଟ ନିର୍ବାଚନର ଦ୍ବିତୀୟ ପର୍ଯ୍ୟାୟ ମତଦାନର ଗୋଟିଏ ଦିନ ପୂର୍ବରୁ ପ୍ରଧାନମନ୍ତ୍ରୀଙ୍କ ୫୦ କିମି ରୋଡ ଶୋ ଆୟୋଜିତ ହୋଇଥିଲା (Pm Modi Holds 50 km long mega Roadshow in Ahmedabad) । ଯାହାର ସିଧା ସଳଖ ପ୍ରଭାବ ଅହମ୍ମଦାବାଦ ସହ ଆଖପାଖ ଜିଲ୍ଲାରେ ପଡିଥିଲା । ଆଉ ନିର୍ବାଚନୀ ଫାଇଦା ସିଧା ବିଜେପି ସପକ୍ଷରେ ଯାଇଥିଲା । ପ୍ରଧାନମନ୍ତ୍ରୀଙ୍କ ବ୍ୟତୀତ ବିଜେପି ନିର୍ବାଚନ ପ୍ରଚାର ପାଇଁ ବୃହତ ଟିମ କରିଥିଲା । ପୁରା ରାଜ୍ୟରେ ଯୋଜନାବଦ୍ଧ ପ୍ରଚାର କାର୍ଯ୍ୟକ୍ରମ ଆୟୋଜିତ କରିଥିଲା । କେଉଁଠି ସାଧାରଣ ସଭା, କେଉଁଠି ରୋଡ ଶୋ ପୂର୍ବ ଯୋଜନା ଅନୁସାରେ ହୋଇଥିଲା । କଂଗ୍ରେସର କୌଣସି ପ୍ରଭାବଶାଳୀ କେନ୍ଦ୍ରୀୟ ନେତା ସିଧାସଳଖ ଗୁଜୁରାଟ ମୈଦାନକୁ ଓହ୍ଲାଇଲେ ନାହିଁ । ଆମ ଆଦମୀ ପାର୍ଟି ବ୍ରାଣ୍ଡ ମୋଦି ଆଗରେ ପ୍ରଭାବ ତ ଦୂରର କଥା ସାମନ୍ୟ ଲଢେଇରେ ନଥିଲା ।

ଗତ ୨୦୧୭ ବିଧାନସଭା ନିର୍ବାଚନ (Assembly Elections 2017) ରେ ପଟିଦାର ଆନ୍ଦୋଳନ ପାଇଁ ସୌରାଷ୍ଟ୍ର ରିଜନ (Saurashtra Region) ରେ ବିଜେପିକୁ ବଡ କ୍ଷତି ହୋଇଥିଲା । ପଟିଦାରଙ୍କ ସମ୍ପ୍ରଦାୟର ଅସନ୍ତୋଷ ଅଧିକ ସୌରାଷ୍ଟ୍ର ରିଜନରେ ପଡିଲା । ଯାହାର ଫଳ ଦଳ ମାତ୍ର ୯୯ ଆସନରେ ସୀମିତ ହୋଇଗଲା । ୨୦୧୭ ବିଧାନସଭା ପରେ ପରେ ପଟିଦାର ସମ୍ପ୍ରଦାୟର ସମସ୍ୟା ସାଧନ ପାଇଁ ବିଜେପି ଜୋର ଦେବାରେ ଲାଗିଲା । ନିର୍ବାଚନର ଗୋଟିଏ ବର୍ଷ ପୂର୍ବରୁ ମୁଖ୍ୟମନ୍ତ୍ରୀଙ୍କୁ ପରିବର୍ତ୍ତନ କରି ପଟିଦାର ସମ୍ପ୍ରଦାୟରୁ ଆସୁଥିବା ଭୂପେନ୍ଦ୍ର ପଟେଲଙ୍କୁ ଦଳ ମୁଖ୍ୟମନ୍ତ୍ରୀ କଲା । ନିର୍ବାଚନରେ ୪୨ ଟି ଆସନ ପଟିଦାର ସମ୍ପ୍ରଦାୟ ଦଳୀୟ ନେତାଙ୍କୁ ଟିକେଟ ଦେଲା । ଯାହାର ଫଳ ଏବେ ବିଜେପିକୁ ମିଳିଛି । ଦଳ ନୂଆ ଇତିହାସ ରଚିବାକୁ ଯାଉଛି । ସୌରାଷ୍ଟ୍ର ରିଜନରେ ବିଜେପି କଂଗ୍ରେସକୁ ପୁରା ସଫା କରିଦେଇଛି ।

ଚଳିତ ନିର୍ବାଚନରେ ବିଜେପି ସହ ସିଧାସଳଖ ଲଢେଇରେ କୌଣସି ଦଳ ନଥିଲେ । କଂଗ୍ରେସ କେନ୍ଦ୍ରୀୟ ନେତା ହାତଟେକି ଦେବା ପରେ, ସ୍ଥାନୀୟ ନେତା ନିଜ ନିଜ ଅଞ୍ଚଳରେ ସୀମିତ ରହିଗଲେ । ଆମ ଆଦମୀ ପାର୍ଟି ମୁଖ୍ୟ କେଜ୍ରିୱାଲ ରାଜ୍ୟରେ ଖୁବ ରାଲି, ରୋଡ ଶୋ କରିଥିଲେ ମଧ୍ୟ ଏହାର ପ୍ରଭାବ କୌଣସି ଭୋଟର ଉପରେ ପଡିନଥିଲା । ବିଜେପିର ବିଦ୍ରୋହୀ ପ୍ରାର୍ଥୀ ମଧ୍ୟ ବିରୋଧୀଙ୍କ ପରି ବ୍ରାଣ୍ଡ ମୋଦି ଆଗରେ ମୈଦାନରୁ ସଫା ହୋଇଗଲେ ।

ରାଜ୍ୟରେ ବ୍ରାଣ୍ଡ ମୋଦିର ଜବରଦସ୍ତ ପ୍ରଭାବ ରହିଛି । ପୁରା ରାଜ୍ୟ ମୋଦିମୟ ହୋଇଯାଇଛି । ବିଜେପିକୁ କ୍ଷମତାଚ୍ୟୁତତ ଦୂରର କଥା ବିଜେପି ସହ ସିଧା ସଳଖ ଲଢେଇ ପାଇଁ କୌଣସି ନେତା କିମ୍ବା ଦଳ ମୈଦାନରେ ନଥିଲେ । ମୋଦିଙ୍କ ନେତୃତ୍ବ ଶାହଙ୍କ ରଣନୀତି ବଳରେ ଦ୍ବାରକାରୁ ଗୋଧ୍ରା- ସୋମନାଥରୁ ଆମ୍ବାଜୀ ଉଡିଛି ଭଗୱା । କାମ ଦେଇନାହିଁ ସରକାରୀ ବିରୋଧୀ ହାୱା ।

ଶେଷ ଖବର ସୁଦ୍ଧା ଗୁଜୁରାଟ ବିଧାନସଭା ନିର୍ବାଚନ ଫଳାଫଳାରେ ଭାରତୀୟ ଜନତା ପାର୍ଟି ୮୫ ଟି ଆସନରେ ବିଜୟୀ ହୋଇଥିବା ବେଳେ, ୭୦ ରୁ ଅଧିକ ଆସନରେ ଆଗୁଆ ଚାଲିଛି । ସେହିପରି କଂଗ୍ରେସ ୪ ଟି ଆସନରେ ଜିତିଥିବା ବେଲେ, ୧୫ ଟି ଆସନରେ ଆଗୁଆ ରହିଛି । ଆମ ଆଦମୀ ପାର୍ଟି ମଧ୍ୟ ୨ ଟି ଆସନରେ ବିଜୟୀ ହୋଇଥିବା ବେଳେ ୩ ଟି ଆସନରେ ଆଗୁଆ ରହିଛି । ଅନ୍ୟାନ୍ୟ ଦଳ ୨ ଟି ଆସନରେ ବିଜୟୀ ହୋଇଥିବା ବେଳେ ଗୋଟିଆ ଆସନରେ ଆଗୁଆ ରହିଛନ୍ତି ।