ହାଇଦ୍ରାବାଦ: ଭିଡିଓ କନଫେରେନ୍ସିଂ ଆପ୍ ଜୁମ୍ ନିଜ ୟୁଜର୍ସଙ୍କୁ ଆପ୍ ଅପଡେଟ୍ କରିବା ପାଇଁ ଅନୁରୋଧ କରିଛି । ମେ’ 30 ପୂର୍ବରୁ ଆପ୍ ଅପଡେଟ୍ କରିନେବାକୁ ଏହା ବିଜ୍ଞପ୍ତି ପ୍ରକାଶ କରି କହିଛି। କାରଣ ଏହି ସମୟରେ ଏଥିରେ ଅନେକ ନୂଆ ଫିଚର ଆଡ୍ ହୋଇଥିବା କମ୍ପାନୀ ଜଣାଇଛି ।
ଅନଲାଇନରେ ୟୁଜର୍ସଙ୍କ ପାଇଁ ଏକ ସୁରକ୍ଷିତ ବ୍ୟବସ୍ଥା ଗ୍ରହଣ କରିବାକୁ ଆପ୍ ପକ୍ଷରୁ ଚେଷ୍ଟା ଚାଲିଛି । ଲୋକଙ୍କ ପ୍ରାଇଭେସୀ ଓ ସ୍ବାଧୀନତାକୁ ସୁରକ୍ଷା ଦେବା ପାଇଁ ଏହା ନୂଆ ସୁରକ୍ଷା ଫିଚର ଆଡ୍ କରିଛି । ଗାଲୋଇସ କାଉଣ୍ଟର ମୋଡ ନାମରେ ନୂଆ ଫିଚର ଆଣିଛି ଜୁମ୍ । ମେ 30 ସୁଦ୍ଧା ଏହାକୁ ଇନଷ୍ଟଲ କରାଯିବ ବୋଲି କମ୍ପାନୀ ଏକ ବ୍ଲଗ ପୋଷ୍ଟରେ କହିଛି । ସମସ୍ତ ଭିଡିଓ କଲରେ ଏବେ ଏହି ଫିଚର ବାଧ୍ୟତାମୂଳକ ରହିବ । ତେଣୁ ମେ 30 ପୂର୍ବରୁ ଆପ୍ ଅପଡେଟ୍ କରିବା ପାଇଁ ୟୁଜର୍ସଙ୍କୁ କମ୍ପାନୀ ଜଣାଇଛି ।