ନୂଆଦିଲ୍ଲୀ: ଡେଲିଭରି ବଏଙ୍କ ଧାର୍ମିକ ଭାବନାକୁ ଆଘାତ ପହଞ୍ଚାଉଛି ‘ଜୋମାଟୋ’ । ସେମାନଙ୍କୁ ଜୋର ଜବରଦସ୍ତି ଘୁଷୁରୀ ଏବଂ ଗୋମାଂସ ଡେଲିଭରୀ କରାଉଛି ଏହି କମ୍ପାନୀ । ଖାଦ୍ୟ ଡେଲିଭରି କମ୍ପାନୀ ଜୋମାଟୋ ବିରୁଦ୍ଧରେ ଏଭଳି ଅଭିଯୋଗ ଆଣିଛନ୍ତି ସେହି କମ୍ପାନୀ ପାଇଁ ଡେଲିଭରି କରୁଥିବା କର୍ମଚାରୀ । ତେବେ ସେମାନେ ଏନେଇ କୋଲକାତାରେ ଧାରଣାରେ ମଧ୍ୟ ବସିଥିବା ଜଣା ପଡିଛି ।
ଧାରଣାରେ ବସିଥିବା ଜଣେ କର୍ମଚାରୀଙ୍କ କହିବା ଅନୁଯାୟୀ, ଯେଉଁ ବ୍ୟାଗରେ ସେମାନେ ଡେଲିଭରି କରନ୍ତି ସେହି ବ୍ୟାଗ ସେମାନଙ୍କୁ ନିଜ ଘରକୁ ନେବାକୁ ପଡିଥାଏ । ଏହା ଦ୍ବାରା ସେମାନଙ୍କ ଧାର୍ମିକ ଭାବନା ଆଘାତ ହେଉଛି । ତେବେ ଏହି କର୍ମଚାରୀ ଡେଲିଭରି କରିବାକୁ ମନା କରିଦେବାରୁ କମ୍ପାନୀ ସେମାନଙ୍କ ନାମରେ ଥାନାରେ ଅଭିଯୋଗ କରିଛି । ଏହା ସହିତ ସେମାନଙ୍କୁ ଧମକ ମଧ୍ୟ ଦିଆଯାଉଥିବା କର୍ମଚାରୀ କରିଛନ୍ତି ।