ପାଟଣା: ବିହାର ବିଧାନସଭା ନିର୍ବାଚନକୁ ନେଇ ଘୋମଘୋଟ ଚାଲିଛି ପ୍ରଚାର ପ୍ରସାର । କ୍ଷମତାକୁ ଆସିବାକୁ ଉଭୟ ବିଜେପି ଓ ମହାମେଣ୍ଟ ଜୋରଦାର ପ୍ରୟାସ କରୁଛନ୍ତି । ଆଜି ଦ୍ବିତୀୟ ପର୍ଯ୍ୟାୟ ବିଧାନସଭା ନିର୍ବାଚନର ଶେଷ ଦିନ ହୋଇଥିବାବେଳେ ମୋଦି ବିହାରରେ ରାଲି କରି ମହାମେଣ୍ଟକୁ ଟାର୍ଗେଟ କରିବାରେ ଲାଗିଛନ୍ତି । ସେପଟେ ମହାମେଣ୍ଟର ମୁଖ୍ୟମନ୍ତ୍ରୀ ପ୍ରାର୍ଥୀ ତେଜସ୍ବୀ ଯାଦବ ମୁଖ୍ୟମନ୍ତ୍ରୀ ନୀତିଶ କୁମାରଙ୍କୁ ଘେରିଛନ୍ତି ।
ବିହାରରେ ବର୍ତ୍ତମାନ ସରକାରୀ କର୍ମଚାରୀଙ୍କ ଅବସର ସମୟ ସୀମା 50 ରହିଛି । ମହାମେଣ୍ଟ ସରକାର କ୍ଷମତାକୁ ଆସିଲେ ଅବସର ବୟସକୁ ବୃଦ୍ଧି କରାଯିବ । ଯେଉଁଠି ନୀତିଶ କୁମାର 70 ବର୍ଷ ବୟସରେ ନିର୍ବାଚନ ଲଢିପାରୁଛନ୍ତି ସେଠାରେ 50 ବର୍ଷ ରଖାଯିବା ଆଦୌ ଉଚିତ ନୁହେଁ ବୋଲି ତେଜସ୍ବୀ କହିଛନ୍ତି।