ସାଧାରଣତଃ ଭେଣ୍ଡି ଖାଇବାକୁ ସମସ୍ତେ ଭଲ ପାଇଥାନ୍ତି । ଆଉ ଏହାକୁ ପ୍ରସ୍ତୁତ କରିବାରେ ଅଧିକ ସମୟ ମଧ୍ୟ ଲାଗିନଥାଏ । ଯଦି କେବଳ ଭାତ ଡାଲି ରୋଷେଇ ହୋଇଥାଏ ଆଉ ଏହା ସାଙ୍ଗରେ ଯଦି ଭେଣ୍ଡି ମସଲା ଟିକେ ହୋଇଯାଏ ତେବେ ଖାଇବାର ମଜା ହିଁ କିଛି ଅଲଗା ହୋଇଯାଏ । ତେବେ ଭେଣ୍ଡି ପାଟିକୁ ଯେମିତି ରୁଚିକର ହୋଇଥାଏ ସ୍ବାସ୍ଥ୍ୟ ପ୍ରତି ମଧ୍ୟ ବେଶ ଲାଭଦାୟକ ।
ତେବେ ଆସନ୍ତୁ ଜାଣିବା କଣ ରହିଛି ଏହାର ଫାଇଦା । ଏଥିରେ ଭିଟାମିନ, ମିନେରାଲ ସହିତ ଅନେକ ଗୁଡିଏ ପୋଷକ ତତ୍ତ୍ବ ପର୍ଯ୍ୟାପ୍ତ ପରିମାଣରେ ଭରପୁର ରହିଛି । ତେଣୁ ଏହାକୁ ସେବନ କରିବା ଦ୍ବାରା ପେଟ ଭଲ ଭାବେ ସଫା ହୋଇଥାଏ । ଏହାସହ ମୋଟାପଣ ମଧ୍ୟ ଦୂର ହୋଇଥାଏ । ଏହାକୁ ସେବନ କରିବା ଦ୍ବାରା ଶରୀରର ମେଟୋବୋଲିଜିମ ନିୟନ୍ତ୍ରଣରେ ରହିଥାଏ । ଯାହାଦ୍ବାରା ପାଚନ କ୍ରିୟା ଭଲ ଭାବେ କାମ କରିଥାଏ ।