ବିଜେପି ଇସ୍ତାହାର ପରେ ଧମକ ଦେଲେ କଶ୍ମୀର ନେତା

ମେହେବୁବା ବିଜେପିକୁ ଚେତାବନୀ ଦେଇ କହିଛନ୍ତି ଯେ କଶ୍ମୀର ବାରୁଦ ଉପରେ ଠିଆ ହୋଇଛି । ଏପରି ପରିସ୍ଥିତିରେ ବିଜେପି ନିଆଁ ସହ ଖେଳିବାକୁ ଚାହୁଁଛି । ଯାହା ସେମାନଙ୍କୁ କରିବା ଉଚିତ ନୁହଁ ।

ନୂଆଦିଲ୍ଲୀ: ସାଧାରଣ ନିର୍ବାଚନକୁ ନେଇ ବିଜେପି ଆଜି ଜାରି କରିଛି ସଂକଳ୍ପ ପତ୍ର । ସବୁଥର ପରି ଏଥର ମଧ୍ୟ ଦଳ ସମ୍ବିଧାନର ଅନୁଚ୍ଛେଦ୍ୟ ୩୭୦ ଓ ୩୫ଏକୁ ହଟାଇବାର ଦେଇଛି ପ୍ରତିଶ୍ରୁତି । ଯାହା ପରେ ଖୋଲା ଖୋଲି ଧମକ ଦେଇଛି ନ୍ୟାସନାଲ କନଫରେନ୍ସ(ଏନସି) ନେତା ଫାରୁକ ଅବଦୁଲ୍ଲା ଓ ପିଡିପି ସୁପ୍ରିମୋ ମେହେବୁବା ମୁଫ୍ତି । ବିଜେପି ଯଦି ଏପରି କରିବାକୁ ପ୍ରୟାସ କରିବ ତେବେ ଆମେ ଦେଶରୁ ଅଲଗା ହୋଇଯିବୁ ବୋଲି କହିଛନ୍ତି ଫାରୁକ ଅବଦୁଲ୍ଲା ।

ସେହିପରି ମେହେବୁବା ବିଜେପିକୁ ଚେତାବନୀ ଦେଇ କହିଛନ୍ତି ଯେ କଶ୍ମୀର ବାରୁଦ ଉପରେ ଠିଆ ରହିଛି । ଏପରି ପରିସ୍ଥିତିରେ ବିଜେପି ନିଆଁ ସହ ଖେଳିବାକୁ ଚାହୁଁଛି । ଯାହା ସେମାନଙ୍କୁ କରିବା ଉଚିତ ନୁହଁ ।

ଅବଦୁଲ୍ଲା କହିଛନ୍ତି ଯେ ୩୭୦ ଧାରାକୁ କଣ ପାଇଁ ଶେଷ କରିବାକୁ ଚାହୁଁଛି ବିଜେପି । ବାହାରୁ ଏଠାରେ ଲୋକ ଆଣି ବସାଇବେ ଓ ଆମ ସଂଖ୍ୟା କମ କରାଇ ଦେବେ । ଏହାର ମୁକାବିଲା କରିବୁ । ଏହା ବିରୋଧରେ ଛିଡା ହେବୁ ବୋଲି ସେ କହିଛନ୍ତି । ଏହାସହ ସେ କହିଛନ୍ତି ଯେ ୩୭୦ ଧାରାକୁ ଶେଷ କରବା କଥା କହନ୍ତି , ଶେଷ କର । ଆମେ ଏଥିରୁ ସ୍ବାଧୀନ ହୋଇଯିବୁ । ଏହାପରେ ଏମାନଙ୍କ ପତାକ ଧରିବା ପାଇଁ କିଏ ପ୍ରସ୍ତୁତ ହେବେ ବୋଲି ଫାରୁକ ଅବଦୁଲ୍ଲା କହିଛନ୍ତି ।