କୋଲକାତା: ବଲିଉଡ ବାଦଶାହା ଶାହରୁଖ ଖାନଙ୍କୁ ଧନ୍ୟବାଦ ଜଣାଇଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ଦେଶର ଏପରି ପରିସ୍ଥିତିରେ ଶାହାରୁଖ ସାହାଯ୍ୟ କରିଥିବାରୁ ସେ ତାଙ୍କୁ ପ୍ରଶଂସା କରିଛନ୍ତି । ଏହାସହ ମମତା କହିଛନ୍ତି ଯେ ଏପରି କାମ ଲକ୍ଷାଧିକ ଲୋକଙ୍କୁ ଉତ୍ସାହିତ କରିବ ।
ନିଜ ଟ୍ବିଟରରେ ମମତା ଲେଖିଛନ୍ତି ଯେ ଶାହାରୁଖ ଯାହା କରିଛନ୍ତି ତାହା ସ୍ବାଗତଯୋଗ୍ୟ । ଏଥିପାଇଁ ସେ ତାଙ୍କୁ ଅନେକ ଧନ୍ୟବାଦ ଦେଉଛନ୍ତି । ଦେଶର ପରିସ୍ଥିତି ଏବେ ଖରାପ ଅଛି । ଏପରି ସମୟରେ ତାଙ୍କ ସାହାଯ୍ୟ ଦ୍ବାରା ଅନେକ ଲୋକ ଉପକୃତ ହେବେ । ବହୁତ ଅସହାୟଙ୍କୁ ସେ ସାହାଯ୍ୟ କରିଛନ୍ତି । ଦେଶର ଅନେକ ଲୋକ ଶାହାରୁଖଙ୍କୁ ରୋଲ ମଡେଲ ଭାବେ ମାନନ୍ତି । ଆଉ ତାଙ୍କର ଏପରି କାର୍ଯ୍ୟ ସେମାନଙ୍କୁ ନିଶ୍ଚିତ ଉତ୍ସାହିତ କରିବ । ଏହାଦ୍ବାରା ସେମାନେ ପ୍ରେରଣା ପାଇବେ ବୋଲି ମମତା କହିଛନ୍ତି ।