ଭିଡିଓ ସୌଜନ୍ୟ: ସମ୍ବାଦଦାତା, ଚିତ୍ରଦୁର୍ଗ ଚିତ୍ରଦୁର୍ଗ: ଘର କାନ୍ଥ ଭୁଷୁଡିବାରୁ ଆଖି ବୁଜିଛନ୍ତି ଗୋଟିଏ ପରିବାରର 4 ସଦସ୍ୟ । ଶନିବାର ସକାଳେ ଚାଲକେରେ ତାଲୁକ ଅନ୍ତର୍ଗତ ରାମଯୋଗୀହାଲିରେ ଘଟିଛି ଏହି ଘଟଣା । ଯେଉଁଥିରେ କାନ୍ଥ ଭୁଷୁଡିବାରୁ ମା' ସମେତ 3 ଶିଶୁ ପ୍ରାଣ ହରାଇଛନ୍ତି ।
ସୂଚନା ମୁତାବକ ମୃତ ମହିଳା ଜଣଙ୍କ ହେଉଛନ୍ତି ନାଗରତ୍ନମ୍ମା ଓ ମୃତ ଶିଶୁମାନେ ହେଉଛନ୍ତି କୋମଲା(2), ତୀର୍ଥବର୍ଦ୍ଧନା(4), ଯଶସ୍ବିନୀ(5) । ଏତତ୍ ବ୍ୟତୀତ ଘଟଣାରେ ଆହତ ହୋଇଥିବା ପରିବାରର ଅନ୍ୟ ସଦସ୍ୟ ଚନ୍ଦ୍ରଶେଖର ଓ ଦେବିକାଙ୍କୁ ବର୍ତ୍ତମାନ ନିକଟସ୍ଥ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।
ଏହି ଦୁର୍ଘଟଣାକୁ ନେଇ ବର୍ତ୍ତମାନ ସ୍ଥାନୀୟ ଅଞ୍ଚଳରେ ଶୋକ ଖେଳିଯାଇଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଛି ।
