କୋଲକାତା: ଷଷ୍ଠ ପର୍ଯ୍ୟାୟ ମତଦାନ ଆରମ୍ଭ ପୂର୍ବରୁ ପଶ୍ଚିମବଙ୍ଗରେ ହିଂସା ଦେଖିବାକୁ ମିଳିଛି ।
ଝାରଗ୍ରାମରେ ବିଜେପିର ଜଣେ ବୁଥ କାର୍ଯ୍ୟକର୍ତ୍ତାଙ୍କର ମୃତଦେହ ମିଳିଥିବାବେଳେ ମୃତ ବ୍ୟକ୍ତିଙ୍କ ନାମ ରାମେନ ସିଂହ ବୋଲି ଜଣାପଡିଛି । ସେହିପରି ଜଣେ ତୃଣ ମୂଳ କଂଗ୍ରେସ କାର୍ଯ୍ୟକର୍ତ୍ତାଙ୍କ ମୃତଦେହ ଜବତ ହୋଇଛି ।
ରାମେନ ସିଂହଙ୍କୁ ହତ୍ୟା କରାଯାଇଥିବା ନେଇ ବିଜେପି ଅଭିଯୋଗ କରୁଥିବାବେଳେ ଟିଏମସି କାର୍ଯ୍ୟକର୍ତ୍ତାଙ୍କୁ ଏଥିପାଇଁ ଦାୟୀ କରିଛି । ଅନ୍ୟପକ୍ଷରେ ବିଜେପିର ଅଭିଯୋଗକୁ ସ୍ଥାନୀୟ ପୋଲିସ ଖଣ୍ଡନ କରିବା ସହିତ ମୃତ ଶରୀରକୁ ଶବ ବ୍ୟବଚ୍ଛେଦ ପଠାଇଛନ୍ତି ।
ସେହିପରି ମରଧରାର କାଣ୍ଠିରେ ଟିଏମସି କାର୍ଯ୍ୟକର୍ତ୍ତାକୁ ହତ୍ୟା ହୋଇଛି । ଟିଏମସିର ସୁଧାକର ମୈତି ରବିବାର ରାତିରୁ ନିଖୋଜ ଥିବାବେଳେ ପରେ ତାଙ୍କର ମୃତଦେହ ଜବତ ହୋଇଛି ।
ସେହିପରି ଝାଡଖଣ୍ଡରେ ମଧ୍ୟ ରବିବାର ସକାଳୁ ହିଂସା ଦେଖିବାକୁ ମିଳିଛି । ଜିଲ୍ଲାର ପରସୁଡିହ ଥାନା ଅଞ୍ଚଳରେ ଘାଘିଡିହ ମଣ୍ଡଳରେ ଏସଟି ମୋର୍ଚ୍ଚାର ଉପାଧ୍ୟକ୍ଷ ହୋପେନ ହେମ୍ବ୍ରମଙ୍କୁ ଗୁଳିମାରି ହତ୍ୟା କରାଯାଇଛି ।