ଗାନ୍ଧିନଗର: ଜୁନ୍ ମାସ ଆରମ୍ଭ ହେବାକୁ ଥିବାବେଳେ ସମଗ୍ର ଦେଶରେ ପ୍ରବଳ ଗ୍ରୀଷ୍ମତାପ ଅନୁଭବ ହେଉଛି । ପ୍ରବଳ ଖରା ଏବଂ ଗୁଳୁଗୁଳିକୁ ନେଇ ସାଧାରଣ ଜନସାଧାରଣଙ୍କ ଠାରୁ ଆରମ୍ଭ କରି ପଶୁ ପକ୍ଷୀ ମଧ୍ଯ ଆଉଟୁପାଉଟୁ ହେଲେଣି । ସେଥିପାଇଁ ଗୁଜୁରାଟ ଭଦୋଦରା ସୟଜୀ ବଗ ଚିଡିଆଖାନା ପଶୁପକ୍ଷୀଙ୍କୁ ଖରାରୁ ଆଶ୍ବସ୍ଥି ଦେବାପାଇଁ ସ୍ବତନ୍ତ୍ର ବ୍ୟବସ୍ଥା କରିଛି ।
ଚିଡିଆଖାନାର କ୍ୟୁରେଟର ଡ. ପ୍ରତ୍ୟୁଷ ପାଟାନକର କହିଛନ୍ତି ଯେ, ଦିନକୁ ଦୁଇଥର ପଶୁମାନଙ୍କ ପାଇଁ ଜନ୍ତାରେ ପାଣି ସ୍ପ୍ରେ କରାଯାଉଛି ଏବଂ ସେମାନଙ୍କୁ ଖରାରୁ ଆଶ୍ବସ୍ତି ଯୋଗାଇବା ପାଇଁ ବରଫ କ୍ୟୁବ୍ ମଧ୍ୟ କେତେକ ପଶୁଙ୍କ ଜନ୍ତାରେ ରଖାଯାଉଛି।
ଚିଡିଆଖାନା ଦ୍ବାରା ନିଆଯାଇଥିବା ପଦକ୍ଷେପ ବିଷୟରେ ଆଲୋଚନା କରି ପ୍ରତ୍ୟୁଷ ପାଟାନକର କହିଛନ୍ତି, ଗତ ସପ୍ତାହେ ହେବ ପ୍ରବଳ ଗୁଳୁଗୁଳି ସାଙ୍ଗକୁ ଖରା ଅନୁଭୂତ ହେଉଛି । ସହରରେ ତାପମାତ୍ରା 40 ଡିଗ୍ରୀ ରହିଛି । ଏଣୁ ପଶୁପକ୍ଷୀଙ୍କୁ ଖରାରୁ ରକ୍ଷା କରିବା ପାଇଁ ଆମେ ସବୁପ୍ରକାର ପଦକ୍ଷେପ ଗ୍ରହଣ କରିଛୁ । ସାଧାରଣତଃ ପଶୁପକ୍ଷୀ ମାନଙ୍କ ପାଇଁ ପିଇବା ପାଣିର ବ୍ୟବସ୍ଥା କରାଯାଇଛି । ଏହାଛଡା ଜନ୍ତାଗୁଡିକୁ ଥଣ୍ଡା ରଖିବା ପାଇଁ ଜନ୍ତା ବାହାରେ ଏବଂ ଭିତରେ ପାଣି ସ୍ପ୍ରେ କରାଯାଉଛି ।