ୟୁପିରେ ନୂଆ ନିୟମ; 10 ବର୍ଷ ଭିତରେ ଚାକିରି ଛାଡିଲେ, ଡାକ୍ତର ଦେବେ 1 କୋଟି

ବର୍ତ୍ତମାନ ସରକାରୀ ଡାକ୍ତରଖାନାରେ ପୋଷ୍ଟ ହୋଇଥିବା ଏମବିବିଏସ୍ ଡାକ୍ତରମାନଙ୍କୁ ପିଜି ଶେଷ କରିବା ପରେ ଅତି କମରେ 10 ବର୍ଷ ସରକାରୀ ଡାକ୍ତରଖାନାରେ ସେବା ଯୋଗାଇବାକୁ ପଡିବ। ଏହାପୂର୍ବରୁ, ଯଦି ସେମାନେ ଚାକିରି ମଝିରେ ଛାଡିଦିଅନ୍ତି, ତେବେ ସରକାରଙ୍କୁ ଏକ କୋଟି ଟଙ୍କା କ୍ଷତିପୂରଣ ଦେବାକୁ ପଡିବ ବୋଲି ୟୁପି ସରକାରଙ୍କ ଘୋଷଣା କରିଛନ୍ତି । ଅଧିକ ପଢନ୍ତୁ...

ଲକ୍ଷ୍ନୌ: ୟୁପି ସରକାରଙ୍କ ବଡ଼ ଘୋଷଣା । ବର୍ତ୍ତମାନ ସରକାରୀ ଡାକ୍ତରଖାନାରେ ପୋଷ୍ଟ ହୋଇଥିବା ଏମବିବିଏସ୍ ଡାକ୍ତରମାନଙ୍କୁ ପିଜି ଶେଷ କରିବା ପରେ ଅତି କମରେ 10 ବର୍ଷ ସରକାରୀ ଡାକ୍ତରଖାନାରେ ସେବା ଯୋଗାଇବାକୁ ପଡିବ। ଏହାପୂର୍ବରୁ, ଯଦି ସେମାନେ ଚାକିରି ମଝିରେ ଛାଡିଦିଅନ୍ତି, ତେବେ ସରକାରଙ୍କୁ ଏକ କୋଟି ଟଙ୍କା କ୍ଷତିପୂରଣ ଦେବାକୁ ପଡିବ । ଏ ସମ୍ପର୍କରେ ସ୍ବାସ୍ଥ୍ୟ ବିଭାଗର ମୁଖ୍ୟ ସଚିବଙ୍କ ଦ୍ବାରା ଏକ ନିର୍ଦ୍ଦେଶନାମା ଜାରି କରାଯାଇଛି ।କାରଣ ସରକାରୀ ଡାକ୍ତରଖାନାରେ ପୋଷ୍ଟ କରାଯାଇଥିବା ଡାକ୍ତରମାନେ ପିଜି କରିବା ପରେ ପ୍ରାୟତଃ ଘରୋଇ ଡାକ୍ତରଖାନା କିମ୍ବା ଘରୋଇ ଅଭ୍ୟାସରେ ନିୟୋଜିତ ହୁଅନ୍ତି, ଯେଉଁଥିପାଇଁ ସରକାର ଅଭିଜ୍ଞ ଡାକ୍ତର ପାଇ ପାରି ନାହାଁନ୍ତି। ଏହାକୁ ଦୃଷ୍ଟିରେ ରଖି ସରକାର ଏମବିବିଏସ୍ ଡାକ୍ତରଙ୍କ ସମ୍ପର୍କରେ ଏନେଇ ଏହି ବଡ ନିଷ୍ପତ୍ତି ନେଇଛନ୍ତି।

ବର୍ତ୍ତମାନ ସରକାରୀ ଡାକ୍ତରଖାନା ଗୁଡ଼ିକରେ 15 ହଜାରରୁ ଅଧିକ ଡାକ୍ତର ପଦବୀ ସୃଷ୍ଟି କରାଯାଇଛି। ସେଥିମଧ୍ୟରୁ ପ୍ରାୟ 11 ହଜାର ଡାକ୍ତର ସରକାରୀ ଡାକ୍ତରଖାନାରେ ପୋଷ୍ଟ ହୋଇଛନ୍ତି। ସ୍ବାସ୍ଥ୍ୟ ବିଭାଗର ମହାନିର୍ଦ୍ଦେଶକ ଡକ୍ଟର ଡି.ଏସ୍ ନେଗି ସ୍ପଷ୍ଟ କରିଛନ୍ତି ଯେ, ଯଦି ଜଣେ ଡାକ୍ତର ପିଜି ପାଠ୍ୟକ୍ରମ ଅଧ୍ୟୟନ ମଝିରେ ଛାଡିଦିଅନ୍ତି, ତେବେ ଏହି ଡାକ୍ତରମାନଙ୍କୁ ତିନି ବର୍ଷ ପାଇଁ ବ୍ୟାନ କରାଯିବ। ଫଳରେ ଏହି ତିନିବର୍ଷ ମଧ୍ୟରେ ସେ କୌଣସି ମୂଲ୍ୟରେ ପୁନର୍ବାର ଆଡମିଶନ ପାଇପାରିବେ ନାହିଁ ।

ବ୍ୟୁରୋ ରିପୋର୍ଟ, ଇଟିଭି ଭାରତ