ହାଇକୋର୍ଟକୁ ଯୋଗୀ ସରକାରଙ୍କ ଅନୁରୋଧ, POCSO ମାମଲା ଶୀଘ୍ର ସମାଧାନ କରନ୍ତୁ

ଉତ୍ତରପ୍ରଦେଶ ସରକାର ବର୍ତ୍ତମାନ ଆହ୍ଲାବାଦ ହାଇକୋର୍ଟକୁ ଅନୁରୋଧ କରିଛନ୍ତି ଯେ POCSO ଆକ୍ଟ ସହ ଜଡିତ ମାମଲା ଗୁଡିକୁ ଅଗ୍ରାଧିକାର ଭିତ୍ତିରେ ସମାଧାନ କରାଯାଉ।

ଲକ୍ଷ୍ନୌ: ଉତ୍ତରପ୍ରଦେଶ ସରକାର ବର୍ତ୍ତମାନ ଆହ୍ଲାବାଦ ହାଇକୋର୍ଟକୁ ଅନୁରୋଧ କରିଛନ୍ତି ଯେ POCSO ଆକ୍ଟ ସହ ଜଡିତ ମାମଲା ଗୁଡିକୁ ଅଗ୍ରାଧିକାର ଭିତ୍ତିରେ ସମାଧାନ କରାଯାଉ । ସରକାର ଏହା ମଧ୍ୟ ଅନୁରୋଧ କରିଛନ୍ତି ଯେ ସମସ୍ତ ଜିଲ୍ଲା ବିଚାରପତିଙ୍କୁ ହାଇକୋର୍ଟ ନିର୍ଦ୍ଦେଶନାମା ଜାରି କରନ୍ତୁ ।

ମହିଳା ସୁରକ୍ଷା ପାଇଁ ସରକାର ଏକ ସ୍ବତନ୍ତ୍ର ଅଭିଯାନ ମଧ୍ୟ ଘୋଷଣା କରିଛନ୍ତି। ମହିଳା ସୁରକ୍ଷା ପାଇଁ ଅକ୍ଟୋବର 17 ରୁ ଅକ୍ଟୋବର 25 ପର୍ଯ୍ୟନ୍ତ ୟୁପିରେ ଏକ ସ୍ବତନ୍ତ୍ର ଅଭିଯାନ ଚାଲିବ । ପ୍ରକାଶଥାଉକି, ରାଜ୍ୟର ଅନେକ କୋର୍ଟରେ 20 ହଜାରରୁ ଅଧିକ ଦୁଷ୍କର୍ମ ମାମଲା ବିଚାରାଧୀନ ରହିଛି । ରାଜ୍ୟର ବିଭିନ୍ନ କୋର୍ଟରେ ଶୁଣାଣି ଚାଲିଛି ।

କୋରୋନା ମହାମାରୀ କାରଣରୁ କୋର୍ଟର କାର୍ଯ୍ୟ ମଧ୍ୟ ବ୍ୟାହତ ହୋଇଥିଲା । ପ୍ରକାଶଥାଉକି, କୋରୋନା ଅବଧି ସମୟରେ ନ୍ୟାୟିକ ପ୍ରକ୍ରିୟାରେ ବାଧା ଉପୁଜିବା ସତ୍ତ୍ବେ ରାଜ୍ୟରେ ମହିଳା ଅପରାଧ ସହ ଜଡିତ 1835 ମାମଲାର ବିଚାର କରାଯାଇଥିଲା। ଏହାସହ ମହିଳା ଅପରାଧ ସହ ଜଡିତ 612 ମାମଲାରେ କୋର୍ଟ ମଧ୍ୟ ଅଭିଯୁକ୍ତଙ୍କୁ ଦଣ୍ଡିତ କରିଛନ୍ତି।