ଶ୍ରୀନଗର: ପୁଣି ଅସ୍ତ୍ରବିରତି ଉଲ୍ଲଂଘନ କଲା ପାକିସ୍ତାନ । ଜାମ୍ମୁ କାଶ୍ମୀରର ଉରିରେ ପାକିସ୍ତାନର ଅସ୍ତ୍ରବିରତି ଉଲ୍ଲଂଘନରେ ଆହତ ହୋଇଥିବା ତିନି ଭାରତୀୟ ସୈନିକଙ୍କ ମଧ୍ୟରୁ ଦୁଇଜଣ ଶହୀଦ ହୋଇଛନ୍ତି ବୋଲି ସେନା ଶନିବାର ଏକ ବିବୃତ୍ତିରେ କହିଛନ୍ତି ଏବଂ ଏହି ଦୁଇ ଭାରତୀୟ ସୈନିକଙ୍କ ବଳିଦାନକୁ ଅଭିବାଦନ ଜଣାଇଛି ସେନା । ଶୁକ୍ରବାର ଦିନ ରାମପୁର ସେକ୍ଟରରେ ଅସ୍ତ୍ରବିରତି ଉଲ୍ଲଂଘନ କରିଥିଲା ପାକିସ୍ତାନ ।
ପୁଞ୍ଚର ମାନକୋଟେ ସେକ୍ଟରରେ ପାକିସ୍ତାନୀ ଗୁଳିରେ ଜଣେ ସାଧାରଣ ନାଗରିକଙ୍କ ମୃତ୍ୟୁ ହେବାର ଗୋଟିଏ ଦିନ ପରେ ଶୁକ୍ରବାର ପାକିସ୍ତାନ ଅସ୍ତ୍ରବିରତି ଉଲ୍ଲଂଘନ କରିଥିଲା । ପାକିସ୍ତାନ ମୁଖ୍ୟତଃ କାଶ୍ମୀର ଉପତ୍ୟକା ଏବଂ ଜାମ୍ମୁ ବର୍ଡରରେ ଥିବା ପ୍ରତିରକ୍ଷା ବାହିନୀ ତଥା ସୀମା ନିକଟବର୍ତ୍ତୀ ଅଞ୍ଚଳକୁ ଚାର୍ଗେଟ କରିଥିବା ଜଣା ପଡ଼ିଛି ।
@IANS