ଜାତୀୟ ରାଜପଥ 6ରେ ଦୁର୍ଘଟଣା, 13 ମୃତ

ଜାତୀୟ ରାଜପଥ 6ରେ ମର୍ମନ୍ତୁଦ ସଡ଼କ ଦୁର୍ଘଟଣା । ଦୁର୍ଘଟଣାରେ 13 ଜଣଙ୍କ ମୃତ୍ୟୁ ହୋଇଥିବା ବେଳେ 2 ଜଣ ଗୁରୁତର ଅଛନ୍ତି ।

ମୁମ୍ବାଇ: ଜାତୀୟ ରାଜପଥ 6ରେ ମର୍ମନ୍ତୁଦ ସଡ଼କ ଦୁର୍ଘଟଣା ।କୁଚରୁ ନାଗପୁର ଯାଉଥିବା ଏକ ଟ୍ରକ ଭାରସାମ୍ୟ ହରାଇ ଏକ ମିନିବସକୁ ପିଟିଥିଲା । ଫଳରେ ଏହି ଦୁର୍ଘଟଣାରେ 13ଜଣଙ୍କ ପ୍ରାଣହାନୀ ଘଟିଥିବା ବେଳେ 2 ଜଣ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ।

ମିଳିଥିବା ସୂଚନା ମୁତାବକ ବୁଲଧାନା ଦେଇ ଯାଇଥିବା ଜାତୀୟ ରାଜପଥ 6ରେ ମର୍ମନ୍ତୁଦ ସଡ଼କ ଦୁର୍ଘଟଣା । କୁଚରୁ ନାଗପୁର ଯାଉଥିବା ଏକ କଣ୍ଟେନର ବୁଲଧାନା ନିକଟରେ ଟାୟାର ଫାଟି ଯାଇଥିଲା । ଫଳରେ ଭାରସାମ୍ୟ ହରାଇ ରାସ୍ତାରେ ଛିଡ଼ା ହୋଇଥିବା ଏକ ମିନିବସକୁ ପିଟିଥିଲା । ଫଳରେ ମିନିବସରେ ଥିବା 15 ଜଣଙ୍କ ମଧ୍ୟରୁ ଘଟଣାସ୍ଥଳରେ 13ଜଣଙ୍କ ମୃତ୍ୟୁ ହୋଇଥିଲା ।

ଘଟଣାସ୍ଥଳରେ ପୋଲିସ ପହଞ୍ଚି 2ଜଣଙ୍କୁ ଉଦ୍ଧାର କରି ନିକଟସ୍ଥ ଡାକ୍ତରଖାନାରେ ଭର୍ତ୍ତି କରିଥିଲା ।