ଅଗରତାଲା: ଦେଶରେ ଅନେକ ନେତା ମନ୍ତ୍ରୀ ଏବେ କୋରୋନା ସଂକ୍ରମିତ । ଗୃହମନ୍ତ୍ରୀଙ୍କ ଠାରୁ ମୁଖ୍ୟମନ୍ତ୍ରୀ ସମସ୍ତେ କୋରୋନା ଆକ୍ରାନ୍ତ ହୋଇ ଚିକିତ୍ସିତ ହେଉଛନ୍ତି । ତ୍ରିପୁରାର ମୁଖ୍ୟମନ୍ତ୍ରୀ ବିପ୍ଲବ ଦେବ ମଧ୍ୟ କୋଭିଡ ପରୀକ୍ଷା କରିଛନ୍ତି । ଏଥିସହ ସେ ନିଜେ ସଙ୍ଗରୋଧରେ ରହିଛନ୍ତି।
ମୁଖ୍ୟମନ୍ତ୍ରୀ ବିପ୍ଲବ ଦେବ କ୍ବାରେଣ୍ଟାଇନରେ ରହିଥିବା ନେଇ ଟ୍ବିଟ ଯୋଗେ ସୂଚନା ଦେଇଛନ୍ତି । ପରିବାରର ଦୁଇ ଜଣ ସଦସ୍ୟଙ୍କ ଠାରେ କୋଭିଡ ଚିହ୍ନଟ ହୋଇଛି । ଅନ୍ୟ ଦୁଇ ଜଣଙ୍କ ରିପୋର୍ଟ ନେଗେଟିଭ ରହିଛି । ତେଣୁ ସେ ମଧ୍ୟ କୋରୋନା ପରୀକ୍ଷା କରିଛନ୍ତି କିନ୍ତୁ ରିପୋର୍ଟ ଆସି ନାହିଁ । ତେବେ ରିପୋର୍ଟ ନ ଆସିବା ପୂର୍ବରୁ ସେ କ୍ବାରେଣ୍ଟାଇନରେ ରହିବେ ବୋଲି ଟ୍ବିଟ କରି ଜଣାଇଛନ୍ତି । ଏଥି ସହ ନିଜ ପରିବାର ସଦସ୍ୟଙ୍କ ଆଶୁ ଆରୋଗ୍ୟ କାମନା କରିଥିଲେ ।