ହାଇଦ୍ରାବାଦ: ମୋବାଇଲ ନମ୍ବର ପୋର୍ଟାବିଲିଟି ପାଇଁ ଖୁବଶୀଘ୍ର ଆସିବାକୁ ଯାଉଛି ନୂଆ ଓ ସହଜ ବ୍ୟବସ୍ଥା । ଯାହା ଆସନ୍ତା ନଭେମ୍ବର 11ରୁ ଲାଗୁ ହେବାକୁ ଯାଉଛି । ହେଲେ ଏହି ନୂଆ ବ୍ୟବସ୍ଥା ଲାଗୁ ହେବା ପୂର୍ବରୁ 4ରୁ 10 ନଭେମ୍ବର ପର୍ଯ୍ୟନ୍ତ ବନ୍ଦ ହେବାକୁ ଯାଉଛି ମୋବାଇଲ ନମ୍ବର ପୋର୍ଟାବିଲିଟି ସେବା ।
ଟେଲିକମ ରେଗୁଲେଟରୀ ଅଥରିଟି ଅଫ ଇଣ୍ଡିଆ (ଟ୍ରାଇ)ର ସୂଚନା ମୁତାବକ ଆସନ୍ତା 4ରୁ 10 ନଭେମ୍ବର ପର୍ଯ୍ୟନ୍ତ ଗ୍ରାହକମାନେ ମୋବାଇଲ ନମ୍ବର ପୋର୍ଟାବିଲିଟି ପାଇଁ ଆବେଦନ କରିପାରିବେ ନାହିଁ । ଏହାର କାରଣ ହେଉଛି ଆଗକୁ ଆସୁଥିବା ନୂଆ ଓ ସରଳ ମୋବାଇଲ ନମ୍ବର ପୋର୍ଟାବିଲିଟି ବ୍ୟବସ୍ଥା । ଯାହାକି ଆସନ୍ତା 11 ନଭେମ୍ବର ଠାରୁ ଲାଗୁ ହେବାକୁ ଯାଉଛି । ତେବେ ମୋବାଇଲ ନମ୍ବର ପୋର୍ଟାବିଲିଟି ଦ୍ବାରା ଗ୍ରାହକମାନେ ନମ୍ବର ପରିବର୍ତ୍ତନ ନକରି ଅନ୍ୟ ଅପରେଟରକୁ ସ୍ବିଚ କରିପାରିବାର ବ୍ୟବସ୍ଥା ରହିଛି ।