ଇମ୍ଫାଲ: ମଣିପୁରରେ କାଳବୈଶାଖୀର ତାଣ୍ଡବ । ସୋମବାର ପ୍ରବଳ ବର୍ଷା ସାଙ୍ଗକୁ ବଜ୍ରପାତରେ 3 ଜଣ ମହିଳାଙ୍କ ମୃତ୍ୟୁ ଘଟିଛି । ଏଥିରେ ପାଖାପାଖି 40 ଜଣ ଆହତ ହୋଇଥିବା ସୂଚନା ରହିଛି । ଆହତଙ୍କ ମଧ୍ୟରେ 30 ଜଣ ଛାତ୍ରଛାତ୍ରୀ ରହିଥିବା ସରକାରୀ ସୁତ୍ରରୁ ପ୍ରକାଶ ପାଇଛି । ତେବେ ଏଥିଯୋଗୁଁ ଅନେକ ଘର ମଧ୍ୟ ଭୁଷୁଡି ପଡିଛି।
ମଣିପୁରରେ କାଳବୈଶାଖୀ ତାଣ୍ଡବ: 3 ମୃତ
ମଣିପୁରରେ ଝଡତୋଫାନ ଏବଂ ବଜ୍ରପାତରେ 3 ଜଣ ମହିଳାଙ୍କ ମୃତ୍ୟୁ ଘଟିଛି । ଏହି ଅଘଟଣରେ ପାଖାପାଖି 40 ଜଣ ଆହତ ହୋଇଥିବା ସୂଚନା ରହିଛି ।
ପ୍ରତିକାତ୍ମକ ଫଟୋ
ଚୁରାଚାନ୍ଦପୁର ଜିଲ୍ଲାର ନ୍ୟୁ ସେସନ ଅଞ୍ଚଳରେ ଏକ ଘର ଭୁଷୁଡିବା ଫଳରେ 2 ଜଣ ମହିଳାଙ୍କ ମୃତ୍ୟ ଘଟିଥିବା ବେଳେ ବରଗଛ ପଡି ଆଉ ଜଣେ ମହିଳା ପ୍ରାଣ ହରାଇଛନ୍ତି । ସେହିପରି କ୍ବାକଟାରେ ଏକ ସ୍କୁଲ ଘର ଭୁଷୁଡିବା ଫଳରେ 30 ଜଣ ଛାତ୍ରଛାତ୍ରୀ ଆହତ ହୋଇଛନ୍ତି । ତେବେ ଅଘଟଣ ପରେ ସେମାନଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଛି ।
ଏହି କାଳବୈଶାଖୀରେ ରାଜ୍ୟର ଅଧିକାଂଶ ଅଞ୍ଚଳ କ୍ଷତିଗ୍ରସ୍ତ ହୋଇଥିବା ସୂଚନା ମିଳିଛି ।