ହାଇଦ୍ରାବାଦ: ମୃତ୍ୟୁ ପୂର୍ବରୁ ବାପାଙ୍କୁ ବାର୍ତ୍ତା ପଠାଇଲେ କୋଭିଡ ଆକ୍ରାନ୍ତ । ମୃତ୍ୟୁ ସହ ସଂଗ୍ରାମ କରୁଥିବା ଜଣେ ଆକ୍ରାନ୍ତଙ୍କ ମୁହଁରୁ କିଭଳି ଡାକ୍ତର ଭେଣ୍ଟିଲେଟର କାଢି ନେଲେ ତାହା ସେ କହିଯାଇଛନ୍ତି । ଆଉ ଏ ଖବର ପଢୁଥିବା ଲୋକଙ୍କ ମଧ୍ୟରେ ସୃଷ୍ଟି ହୋଇଛି ଅନେକ ପ୍ରଶ୍ନ । ହୋଇଥାଇ ପାରେ ଭେଣ୍ଟିଲେଟର ଅଭାବରୁ ଡାକ୍ତର ଏପରି କରିଥାଇପାରନ୍ତି । ମାତ୍ର ଜଣେ ଆକ୍ରାନ୍ତଙ୍କୁ ମରଣ ମୁହଁକୁ ଠେଲି ଡାକ୍ତରଙ୍କ ଏ ନିଷ୍ପତ୍ତି ଆଗକୁ ଯେ, ଆକ୍ରାନ୍ତଙ୍କ ସଂଖ୍ୟା ବଢିଲେ କେଉଁ ପ୍ରକାର ସ୍ଥିତି ଉପୁଜିବ ତାହା ଜଳଜଳ ଦେଖାଯାଉଛି ।
ବାପା, ମୋ ଠାରୁ ଭେଣ୍ଟିଲେଟର କାଢି ନେଲେ....
’’ବାପା ସେମାନେ ମୁହଁରୁ ଭେଣ୍ଟିଲେଟର କାଢି ନେଲେ । ମୁଁ କେତେ ନେହୁରା ହେଲି ହେଲେ କେହି ଶୁଣିଲେ ନାହିଁ ମୋ କଥା । ତିନି ଘଣ୍ଟା ଧରି ମୁଁ ଏମିତି ଛଟପଟ ହେଉଥିଲି । ମୋ ହୃତପିଣ୍ଡ ବନ୍ଦ ହୋଇଗଲାଣି । କେବଳ ଫୁସଫୁସ କାମ କରୁଛି...କିନ୍ତୁ ନିଶ୍ବାସ ନେଇପାରୁନାହିଁ ବାପା..ଯାଉଛି ବାପା...ସମସ୍ତଙ୍କୁ ଛାଡି....’’